بسم الله الرحمن الرحيم
اخواتى انا من الشهر التامن البيبى عندى راسه تحت ووباطنى نازله و كان بيجى لى انقباضات فى الرحم انا الان فى اول اسبوع من التاسع
و الدكتور صدمنى بخبرين
الاول قالى انتى حتولدى قيصرى فتحه الحوض مش كبيره كفايه عشان تخرج راس الطفل بعد ما كنت عشمت نفسى بولاده طبيعى
المشكله فى الخبر ده انى بسمع انه بعد الولاده القيصرى الواحده بتتعذب من الالم حوالى 15 يوم
الخبر التانى الوحش انه بقالى كام اسبوع وزن النونو 2 و نص ومش بيزيد وده حيجننى من الخوف المشكله انى اكلى ضعيف جدا مش بقدر اكل خالص
هو كده معناه انه حيدخل حضانه او انه حيكون ضعيف جدااااا انا مش عارفه اكل او انام
ربنا يسامحنى شايفه الدنيا سوداء امام عينى لان عندى مشاكل كتير