[حيفا]

السلام عليكم
صباحكم خير
انا بدخل بالموضوع على طول انا صارلي 4 شهور متزوجه ، وزوجي مسعدني ومهنيني ، وبيحبني ربنا يحفظلي ياه ، لكن في مشكله صغيرة ،
تخيلو معي انا صارلي 4 شهور متزوجه ، زرت اربع اطباء نسائيين ، وعملت تحليل دم للحمل ثلاث مرات ، عملت التراساوند وفحص هرمونات ، وما يقارب ال 20 فحص حمل منزلي !! ! وطبعا لسا ما حملت
وما عندي مشاكل حسب الفحوصات ، لكن المسألة مسألة وقت فقط وارادة ربنا
بتسألوني ليه كل هالزيارات للاطباء ، والفحوصات ؟؟؟
لانه زوجي مجنني بده ياني احمل ، بكل الطرق ، طيب انا عارفه انه لسا بكييييييييير عالحمل ، انا عمري بيسمحلي انتظر شوي قبل ما احمل ، لكن زوجي مو قادر ينتظر ، ما حد يعرف عن زياراتي للاطباء غير زوجي اللي هو طبعا السبب فيها ، حتى انه صار عنده وسواس انه هو عنده عقم !!!!!
موعده يوم الاحد عند الدكتور ، وخايفه يكون عنده مشكله والله بينتحر لانه نفسه بولد ، او بنت ، ونفسه اني احمل ، هو وحيد اهله ، يعني ما عنده اخوه شباب ، يمكن من هون اجا الوسواس ، بس انا شوي وبصير مثله ، والله لولا الدكتور قالي انه ما عندي مشكله وعملي كل الفحوصات اللازمه كنت بقول عن نفسي عاقر !!!!

شو اعمل مع زوجي والوسواس اللي عنده ؟؟؟
وهل في منكم حدد مارر بتجربتي ؟؟

الله يخليكم ساعدوني :(