كيفكم يا كروشات؟
بصراحه انا نزلت كذا موضوع بخصوص الاسماء
وكل ما جبت اسماء طلعت معانيها مو حلوه و مكروهه ولا يجوز التسميه بها
زي ريماس و راما و مايا و غيرها
وانا افضل انو الوحده تختار اسم لمولودها من بدري
لانو سلفتي للحين ما سمت ولدها وهو داخل ثلاث شهور
و بحثت عن اسماء كثيره للبنات ما عجبني شي من اللي طالعه الحين تالا و تولين و هاذي الاسماء و غيرها
و لما اجي يعجبني اسم بالنطق زي ريماس و مايا و راما تطلع معانيها مو بزينه
و من بعد بحث طويل للاسماء حبيت اسم و عجبني وهو قريب من اسم رفيف بنتي الله يخليها لي ولابوها و احبابها بس طبعا زوجي ما عجبو الاسم هههههههههه
الاسم هو ( رولاف )
وبحثت عن معناه لقيت له معنين
الاول اسم من اسماء الزهور
و الثاني ماء الثلج
ايش رايكم بالاسم؟ وكيف اقنع زوجي بالاسم
لانو ما عجبو يتريق عليه يقول زي اسماء حليب الاطفال رونالاك هههههههه
وجلس يتريق عليا يقول رولاف 1 والا رولاف 2
ايش اسوي عشان يقتنع
انا عاجبني مررررررررررره و امي عجبها تقول مره حلو و خفيف ومعناه حلو والاسم غريب