يا حزة عنـــاده وفي حزة عــــــــنادي
قلت أنت طآيح من عــــــــيوني كذا مـــره
شفني رفعت الحمول وقلت لك (عادي)
والقلب قبلك عجـــــــــــاج الوقت ماضـــره
لا صرت ناوي بعادي جـــــــرب بعـادي
أرحل وخل اللـــــيالي تدفن الــــــــــــجره
كبرت في عين تاريخــــــي ومـــــيلادي
وصغرت في عين عـــــــــدواني من الحره
صـــــديت عنـــــه وراح القلب ينقادي
أحـــــــــاول آصــــــــده مير الــــــغلا فره
ولديت عيني عليه وحــــدني حادي
من يوم شفته وشفـــــــت العين محمره
وأقول في خاطري والــــــضيق يزدادي
( والله لـ يبـــــطي وآنا أقــــــــدره و آبره )
شلون أبنسى علاج الجرح وضمادي
يوم أني أسهر علــــى طاريه وصــوره
العام في غيــــــبته نســـــاني رقادي
ماطاب جرحـي وراه ولا غـــــدى شره
أشيل صوتي ورآ ( فيـــــروز ) و آنادي
وأتل صــوتي من الهـــــــجرانو آجره
نسم علينا الهوى من مفــرق الوادي
سمعتها ودمعت عــــــيني من الحره
دنق ودمعه يسيل وقال يا الغــادي
إلا أنت بعـــــدك يتل الـــــقلب ويجره
طعنتــني بين وجه الحب وفـــــوادي
فديت خشـــمك لاعاد تعــــاود الكره
ضحكت قلت أنت ياغيمي ورعادي
في ذمتي عيشـتي في غيبتك مره
تبي الصراحه غلطت بحزة عنـــادي
وإلا أنت ماطحت من عيني ولا مره