السلام عليكم
اني حامل في الشهر الثامن واعاني من التهاب مجاري بولية
بس مشكلتي اعاني من حساسية ضد البنسلين والمثبرين
يعني ما اعرف اي علاج اخذ
رحت للدكتورة كتبتلي علاج ورا رجعتي للبيت زوجي قرأ العلاج وقال هذا فيه مجموعة بنسلين الله ستر كان رحت بيها مع العلم اني نبهت الدكتورة واكدت عليها انه عندي حساسية ضد هالادوية
بس مع الاسف ماكو دكتورة تفتهم يمنا
اريد علاج والله ياذيني الم الي موجود بخاصرتي وظهرني حتى الكابة تصعد عندي ويصير عندي ضيق بالتنفس وكاعدة ابجي ما اعرف شنو اسوي
رحت الى اكثر من دكتور ودكتورة كلهم يخطأون بالعلاج
بس دكتور واحد فهم وضعي وكتبلي كبسول نايتروفيرون اخذته لما كنت بالشهر السادس
ما اعرف اذا اخذ هسة نفس العلاج واني بالشهر الثامن ايضر الجنين او لا