هلا فيك حبيبتي هذا رد احد الاعضاء اسمها تاهت حروفي
الرد:
هلا وغلا فيك
بنسبه للاشياء حقت التوزيعات فيه محلات
تسوي لك تكون جهازه على ذوقك ,,
وذا انتي تبين تسوووينها عندك ابو ريالين فيها اشياء حلووهـ
اخذي اللي يعجبك وأبو ريالين تحصلينه في كل مكــان بالرياض
اما سووووووووق الجمله معروف عندنا بالبطحاء رخص وروعه
اللي هو شارع السويلم
روحي من طريق الملك فهد على طول لين يجيك لوح
الامام فيصل بن تركي اذا شفتيه خذي الخدمة اطلعي الجسر
وروحي على طول لين تجيك اشارة تراها اشارتين جنب بعض اشارة توديك على طول واشارة تروحين يسار
انتي خذي الاشارة اللي تروحين على يسار وبعد ماتلفين روح
على طول وثاني اشارة تجيك خذي يمين واول اشارة تجيك خذي يمين
في طريقيتين بقولك طريقة وطريق ثاني وانتي وبكيفك
اول اشارة تجيك بعد ماتلفين يمين لفي معاها بتجيك محلات اقمشة ستاير وقفوا سيارتكم وامشوا مشي
في لفة اول الشارع على يمين لفه صغيرة تدخلون
معاها بتلاقين محلات على يمينك
محلات يبيع اشياء صغيرة واشياء حقات الهدايا
والتغليف هذا بداية الطريق وعلشان تتاكدين من طريقك على حسب وصفي بتلاقين محل على يمينك اسمه المقبل ,,هذي كلها محلات توزيعات رخييييصه
اذا عرفتي الوصف ورحتي له ماابغى منك الا تدعين لي الله يسخر لي زوجي ويهون على حملي ,