السلام عليكم
ياامهات انا بنتي عمرها سنه وشهر والين دحين مامشيت وكنت اعطيها فيتامين د من اول مااتولدت بعدين تركته ورجعت اعطيها
بس المشكله الكبيره اني كنت اعطيها 1 مل كااامل وزياده كمان وامس خلص اللي عندها وزوجي جاب واحد تاني وفتحته واول مره اقرا ورقة التعليمات
والله اني صعقت جداااا
مكتوب للي بعمرها بس اربع نقط في اليوم وزيادته تسبب مشاكل في الكلي وزياده في نسبة الكالسيوم ومشاكل تانيه
والله انهرت وجلست ابكي وماعارفت ايش اعمل
زوجي اليوم الصباح راح عند دكتورها وقله كل شي والدكتور قله جيبوها نسوي تحليل
والله مرررره خايفه انو يطلع فيها شي واكون انا السبب
ووحده كلمتها وقالتلي كانت تعطي بنتها نفس النسبه وعادي ماسار فيها شي
بالله طمنوووني او قولولي اللي سار معاها كده ايش سوت