[Lojin]

السلام عليكم ورحمة الله و بركاته ..

كيفكم ان شاء الله بخير ..

قبل اسبوع تقريبا حطيت موضوع هنا وقلت فيه انو معايا الم خفيف في اسفل بطني مع شوية افرازات
والبنات طمنوني .. والدكتورة رحت لها قالت لي هذا الالم طبيعي .. وسوت لي اشعه بس تقول لانك مو حشرانة الله يكرمكم .. ماحيبين تمام ..
فقالت لي تعالي بعد اسبوعين .. قلتلها اوك ..

الحين مر اسبوع .. بس اليومين دي لسه احس بألم خفيف في اسفل بطني ..

و اليوم صار موقف بعد نص ساعه من روحة زوجي للشغل ..
الموقف اني كنت بغرفتي وبعدين وانا طالعه من الغرفه .. زوجي رجع و قابلني فجأة .. اتنفضت من الخووووووووف ..
قلتله حرام عليك فجعتني .. دق الجرس .. طلع صوت .. حسسني انك فيه .. :(
هوا ماكان قصده .. بس انا اخاف كثير لاني لوحدي في البيت .. و انا ما حسيت عليه يوم دخل البيت .. << رجع ياخد جواله نسيه :( ..

الموهيم بعد مارجع لشغله على آذان المغرب .. نزلت مني افرازات بنيه << خلاااااص بغيت ابكي ..
صليت المغرب وقريت الاذكار وقعدت ادعي .. لان الحمل اللي قبله انا اسلبت ..

ع 8 ونص برضو نزلت مني شويييية افرازات بنيه ..
ودحين كمان :( ..
مدري هالافرازات من الموقف اللي صار لي ولا نتيجه الالم الخفيف اللي من اسبوع حسيته ..

والله اكلمكم والدموع في عيني .. خايفه يصير لي مثل الحمل اللي راح ..
قولوي اش اسوي ارشدوني والله مالي غير الله ثم انتوا ..