[أم تامي]

شوفي حبيبتي أن عيالي كلهم تجيم إكزيما من الولادة و ولدي مستمرة فيه لين ألحين و عمره 7 سنين
اول شي الدكتور هو إللي يقرر الدواء المناسب و لا تخافين الكريمات غالباً رح يكون فيها نسبة بسيطة كورتيزون
و هي مدة بسيطة و بعدين إنتي و مستوى إهتمامج
أنا إذا بدت الإكزيما أحط لهم المرهم إللي يكتبه الدكتور و إللي يكون ف الغالب نسبة الكورتيزون 0.1
و بعد كم يوم لما تخف أقلل الكمية و أخلطها مع كريم مرطب ما يكون فيه عطر أو فازلين
و بعدين أم شيئين : الترطيب و خصوصاً بعد الإستحمام لأن الجفاف يهيج الإكزيما
و ثاني شي لا تخلين الجلد متعرض للرطوبة و خصوصاً ثنيات الجلد وما يلبسون ملابس مبلولة مثلاُ الكم تبلل و لا طرف البنطلون على طول غيريه لأنه رح يهيج الإكزيما في هذاك المكان و بعد الإستحمام نشفيهم زين
و دايماً استخدمي صابون لطيف يعني مو الصابون القالب لأ جل أو غسول لطيف او صابون دوف
هذي تجربتي مع الإكزيما إللي أنا و عيالي نعاني منها و لله الحمد