[مشاعل الدوسري]

السلام عليكم ..

اولا : كم راتبك..؟ و كم بحسابك عادي قولي حق زوجك ..
ثانيا : يعطيك الف عافيه على صبرك و تحملك لزوجك من ناحية انه ماايصرف عليك و انك مقدره ظروفه
ثالثا : اقعدي معاه انتي و تكلمي قولي له انا زعلانه منك لانك حاولت تتجسس علي عموما لو حتى اني فهمتك غلط و ظلمتك ترى على فكره انا بحسابي المبلغ الفلاني ..تآمر على شي منهم .. احرجيه و اذا قالك ايه محتاج المبلغ الفلاني .. عطيه نص المبلغ .. اذا تقدرين ..
قوليله انا ما اخذ منك مصروف شهريا و رغم هذا انا ما اشوف فيك اي تقدم يعني لا خلصت دينك و بين فتره و فتره الاحظ قصور عندك .. و رغم هذا ما تكلمت من حقك اني اساعدك لكن انا مو مجبوره اني اساعدك
اني ما اطلب منك انك تعطيني مصروف هذي مساعده و تقدير لظروفك ..

رابعا : اساليه كم عليك دين للبنك ..؟ هذا لو ماخذ قرض
كم عليه دين خارجي ؟ يعني لو متسلف من حد
قالك البنك شهريا يستقطع من راتبي كذا ..؟
و فلان شهريا كذا ..؟
قوليله اوكي انا بساعدك بجزء بسيط من راتبي و بين فتره و فتره بعفيك من المصروف .. كل هذا عشان نخلص دينك ..
و سوي معاه خطه عشان تخلصون دينه بسرعه ..

خامسا : أنتي لا تصيرين مره دقيقه بموضوع الفلوس .. افتحي لك حساب ثاني و هو مايدري
و حولي المبلغ اللي ما تحتاجينه و اللي ما تصرفينه على الحساب الثاني ..
و يصير عندك في حسابك اللي يعرفه مبلغ بسيط يادوب مصروفك ..
و انتي لازم تساعدينه هو مو غريب لكن تساعدينه بطيب خاطر ..
يعني مو لا تهاوشتو لا سمح الله بيوم من الايام تقولين له يكفي اني اعطيك من راتبي و و و
على فكره هو بعد يعطيك من راتبه و يكفي انه بعد سمح لك تشتغلين ..

و على فكره له حق انه ياخذ من راتبك تدرين ليه..؟
لانك تأخذين من وقته الوقت اللي المفروض تكونين في البيت تجهزين له الغداء و لا العشاء و لا تتصنعين له
انتي اخذتي منه جزء لدوامك ..
فا ما فيها شي لا ساعدتي زوجك .. وقفي معاه لكن مو لدرجة انك تعطينه كل شي معاك حق بعض الرجال ما ينعطون وجه .. خصصي مبلغ تساعدينه فيه .. شهريا


سادساً : فلنفرض ان راتبك 3500 شيلي 700 ريال و ساعدي فيها زوجك ..
و يا عزيزتي انتي مو شهريا تشترين العطور و شهريا تشترين الملابس و شهريا تطلعين تتمشين ..
لازم تتعلمين انك تحافظين على راتبك و تخصصين مبلغ للطلعات مبلغ للمطاعم مبلغ تقتصدينه مبلغ مصروف يومي و هيك شغلات



اذا بتقعدين تدققين بموضوعك كم اخذ منك و كم عطيتيه و ما يعطيني و و و و ..
ترى بتخسرينه هو بعد انتي لسه ماعرفتيه عدل ..صار لكم بس سنه متزوجين ..
يعني لازم يكون في تفاهم صبر و تضحيه لكن التضحيه في بعض الامور بحدود

انا معاك مو ضدك بكلمة ان بعض الرجال ما ينعطون وجه ..

لكنه زوجك اذا انتي يا زوجته ما ساعدتيه و لا وقفتي معاه .. مين اللي بيعاونه اكثر منك ..






انا شخصيا زوجي الحين يبي ياخذ قرض عن طريق الشركه عشان يأخذ بيت ..
بدال شقه قلت له اسفه و لا تأخذ بيت و لا قرض ..
لما انا اشتغل يصير خير عندنا طفلين و الثالث جاي بلطريق بيأخذ قرض يعني بيبخس بلمصروف علينا علي انا تحديدا الحن و يادوب ..
اجل كيف لو اخذ قرض السكن بنجن

قاعد يدور لي على وظيفه و الحمدالله في امكانيه حاليا اني اتوظف براتب 5000
قلت لزوجي لو توظفت بعفيك من مصرفي و بساعدك في مصروف البيت .. الين تخلص قرض البنك و قرض السياره و يبقى عندك قرض واحد بعد كذا اعتمد على نفسك .. و ترجع تخصص لي مصروف او على الاقل نسافر ههههههههههه

يارب اتوظف عشان شغلتين لاني مو متعوده اقعد بدون شغل .. ثانيا المنطقه اللي انا فيها مررررررررررررررره ما فيها علاقات
ثالثا عشان اساعد زوجي و اساعد نفسي .. وبس .