السلام عليكم..
من رايي والي متعارف عليه غالباً في المجتمع الي أعيش فيه إن الأفضل البنت تكمل دراستها وتالي تتزوج، لأن الدراسة وهي متزوجة بتكون صعبة وايد، من ناحية تنظيم الوقت والمصاريف وإذا حملت تتعب وغالباً بتأجل كورس أو سنة عشان ظروفها الصحية.
أنا الحمد لله تخرجت وبعد سنتين تزوجت،والحين أشتغل ومرتاحة في الشغل، وأحس صعبة وايد أتخلى عن شغلي والراتب الي أستفيد منه وايد.
أما بالنسبة للبيبي الي ياي بالطريج فالحمد لله عندنا في البحرين تسهيلات للأمهات العاملات وهو عبارة عن نظام (ساعتين رعاية) يعني أطلع قبل نهاية الدوام بساعتين عشان أرجع له، أو أتأخر الصبح عن الدوام ساعتين أرتاح فيهم من سهر الليل معاه.
بالنسبة لزوجي الله يحفظه متعاون معاي بخصوص شغلي.. بس سالفة إني أواصل دراستي أتوقع بتكون صعبة بالنسبة له ولي.