[جرة عسل]

السلام عليكم ورحمه الله وبركاته
كيفكم يااحلى اخوات
تقبل الله طاعتكم وصيامكم
انا عندي مشكله طويله شوي ياليت انكم تساعدوني فيها وهي غريبه شوي
انا عندي اكتئاب الايام هذه اعوووووذ بالله لدرجه ابكي بالساعات واكثر شيء افكر فيه ان زوجي راح يتزوج علي مع انه مافي اي بوادر لهذا الامر والصراحه مايشككني في شيء ومعاملته ابدا ماتغيرت معي وطيوب والحمد لله مو مقصر
بس ليش ليييييييييش افكر هذا التفكير وليش عندي هذا الاحساس ؟؟
وليش ابكي وانهار لمجرد احساس لا اساس له
انا ماراح اخفيكم انه مرة فكر في هذا الامر بس كان قبل 5 سنوات كان راح يتزوج بس والله مو منه واحد من صادقائه حفر الفكرة حفر في راسه وهو الي قالي كل شيء بعدين لما انتهت السالفه
ومن يومها وعدني ماعاد يعيدها ووعدني انه مايفكر في غيري وارتحت وبعدها ب 6 شهور جاني نف الاحساس الي يجيني الحين ومرة كنت اكتئب وفاتحته في الموضوع وقالي والله مافي شيء وهذه وساوس شيطان وانا احبك ومابي غيرك
والحين بعد 5 سنوات يرجعلي هذا الاحساس بقوة وانا دائما اقول ماتحس الوحده الا لما فعلا يكون في شيء
يمكن هذا الاعتقاد خطا
وصراحه ماعمرة هددني بالزواج خصوصا بعد هذيك المرة بس يقولها بعض الاحيان مزح ولما يشوفني ازعل يسكت
ياجماعه انا تعبت تعببببببببببت
معقوله يكون من الحمل ؟؟
والله اني صائمه ومصليه واقرا القران هذه الايام باستمرار واحنا في شهر فضيل والشياطين مصفده
من وين يجيني هذا الاحساس
واحيانا احس اني راح اموت قريب وان اولادي راح يتبهدلون بعدي
يالله اعوذ بالله افكار سيئه جدا جدا تجيني
ابغى مساعدتكم بعد الله طمنوني تكفون
وش اسوي وهل ممكن يكون اكتئاب من الحمل ؟
اسفه طولت عليكم بس مالي الا الله ثم انتم