[ميآر [ مهند حيآتي ]]

مسا الخير ع احلى صبايا ...

رفقاتي بمشوار حملي بابني ..

اللي ولدته مبارح ...

الحمد لله كانت ولادتي ميسرة نوعا ما والله كان عليم

بحالي لا ام جنبي ولا اخت ...

رح عرفكن ع ابني :


الاسم : مهند

تاريخ ووقت الميلاد : 5 - 8 - 2012
عند أذان المغرب ...

مكان الميلاد : حمص ^^

وهي قصة ولادتي كرمال عيون بنات تجمعي الغالية تجمع ورود سوريا ...


يوم السبت 4 - 8 حضرت الفطور وفطرت انا وزوجي كالعادة وبعد حوالي ساعتين ..

بدات حس بوجع باسفل ظهري .. وعفوا منكن بدأت حس انه في مي عم تنزل مني ..

بس انا ما عطيت الموضوع اهمية كوني لسا ببداية الاسبوع ال37 ..

المهم توضيت وصليت انا وزوجي التراويح وجلسنا وبعدين تسحرنا ودخل زوجي ينام وانا
بدأ الوجع يزيد وبدأت امشي بهالبيت رايحة جاية رايحة جاية ..

حتى صار الصبح وانا ما عدت اقدر اتحمل الوجع ودخلت للمنتدى وسألت البنات قالو اذا في دم
معناته ولادة .. الله يجزيهم الخير ... فعلا لقيت خيوط دم والمي زادت ...
وزوجي صحي لقيني عم ابكي .. ئللي شبك موجوعة شي ؟ ئلتلو اي شكلي رح اولد
صار يضحك بالاول لان لسا بكير ...
بعدين اتصل باخوه الله يرضا عليه وفتت ع الحمام تحممت ويلا ع المستشفى


الله ستر باني مجهزة شنتاية الي ولهنودة ... فيها كل كل شي ..
والله عليم كيف كان الطريق :( كتير بيخوف
المهم طولت عليكن فتت ع المستشفى وحاولنا نتصل بالدكتورة ما قدرنا
لقيت دكتورة مناوبة
وفوووورا ع الغرفة عملولي سونار شافو وضعية هنودة ..
الاخ متربع بس راسو لتحت ورجليه لفوق ...
المهم ئالتلي بس الرحم مو مفتوح بس 1 سم ..
ئلتلا شو هالحكي
ئال الولد مستعد ينزل بس مافي ولادة طالما الرحم مو مفتوح
انا تمنيت اخبطلا راسها بالحيط هههههه ع اد وجعي
المهم ئلتلا دبرينا والله وصلنا للمستشفى بطلوع الروح

كانت الساعة شي 10 تقريبا ..
المهم ضليت روح واجي بهالغرفة وزوجي يئللي طولي بالك حبيبتي رايح جيب امي تئعد معك ..
واتصلت فيني امي حكيتا وئلتلا اني شتئتلا ...
صارت الساعة 6 ونص
اجت الدكتورة ئالتلي مافي مجال تولدي طبيعي .. :(
لأن حوضك ضيق والرحم مو فاتح بس شو الحل ..!!!
ئلتلا خلصيني الله يخليكي وولديني رح موت ئالتلي اي خلص معناتو ع العمليات ..
وبالعمليات عطوني بنج وصرت عد بالمقلوب ...
وصحيت لقيت زوجي شايل هالبيبي واعد عم يطلع فيه ...ئلت ولي راح الولد هههه هاتو لهون
كنت لسا مو مصحصحة ونام وفيق ئللي زوجي انو هنودتي ولد ع ادان المغرب
وكبرلو بدانو يؤبر ئلبي وعطوني ياه ومن النهفات انو كل شوي فيق من البنج وئلو هاتو لهون ههههههه



واخدت موبايلو وفتحت نت طمنتكن عني ... ورضعتو ونيمتو بغرفتي ..
صحيح انو وجع الجرح صعب بس شوفة مهند نستني ياه
وهي قصتي تعبت ايدي هههههه
ودي