سلام عليكم ورحمة الله وبركاته
ياريت تفسرولي حلمي ده بسرعة ربنا يكرمكم يارب
اللهم اجعله خير يا ارحم الراحمين
انا متزوجة بقالى 40 يوم تقريبا
المهم انا حلمت انى كنت مسافرة انا وزوجي وكنا بنتفسح وفجأة لاقيته عماله يدور على نت كافي قولت فى بالي عادي هو مدمن بلاي ستاشن يمكن نفسه يلعب
لما روحنا النت كافي سأل الرجل الى هناك على جهاز كمبيوتر فيه نت الرجل قاله للأسف مفيش ولا جهاز لاقيت زوجي اتعصب جدا وكان هيعمل مشكلة مع الرجل
فالرجل قاله خلاص مفيش غير جهازى بس الى بيشغل النت تعالى اقعد عليه
زوجي قعد وانا قعدت جنبه مستغربة جدا طريقتة دي
لاقيته بيتكلم مع واحده بقوله مين دي قالى مراتي وبيتكلم بمنتهى الهدوء كأني عارفة
مع انى فى الحلم مكنتش اعرف وقولتله طب انت مقولتليش ليه مردش عليا قولتله طب انت قولتلها انت متجوز ؟ بردو مردش عليا
ببص على صورة الى هو بيكلمها على النت لاقيتها صورتي
وانا من المفجأة فى الحلم صحيت من النوم
ياريت حد يفسرلي الحلم ده وانا اسفة جدا على الاطالة