[عبوورة]

حسيت فيكي وبكل كلمة كتبتيها نابعة من قلب مجروح
بس نصيحتي الك ما تنفصلي عنه هو بيضل زوجك وبيصونك وبيصون اولادك
لكن غيري معاملتك معه يعني ما تجري وراه بالمسجات والكلام المعسول وكانك مو حاسة بشي
بالعكس اتركيه وحاول تتقلي عليه ما تبنيلو انه هو كل شي بحياتك
اشغلي نفسك باولادك وبالتقرب الى الله
وكوني واثقة انه رح يرجع مثل اول واحسن ان شاء الله
وصدقيني ما في احلى من الصبر وما بعد الصبر الا الفرج
انا رح احكيلك قصة قريبتي يمكن تصبرك شوي
زوجها تزوج عليها وهي معها 6 اولاد .. ليش؟ قال حابب يجدد حياتو ويعيش اجواء رومانسية هو فاقدها مع مرتو
تزوج وخلف بنت من الثانية.. لكن السؤال هون كيف عاملته الزوجة الاولى بعد زواجه..
والله يا اختي بنروح عليها ما بنشوف على وجهها حزن ولا اسى حتى انا كتيرر بستغرب منها
ما بتحكيلو عنها ولا شي ابدا ولا هو بيتكلم عن الثانية قدامها
حتى بنتو ما بيجيبها على بيت مرتو الاولى
وفي يوم قعدت معها وقلتلها كيف انتي صابرة
قالتلي مش مقصر فيني ولا باي شي بيلبي احتياجاتنا كلها واولادي في حضني شو بدي اكتر من هيك
والله يا اختي برود اعصابها وايمانها بالله وبنفسها جعلها تكبر في عين زوجها
والان بعد سنتين من زواجه للثانية طلبت منه الطلاق وهو وافق
ومين اللي كسب بالنهاية
الزوجة الاولى لانها صبرت ورضيت بقضاء ربها ووثقت من نفسها رجعلها زوجها
سامحيني طولت عليكي بس لاني حابة فكرتي تصلك
الله يردلك زوجك ويسعدك يارب