[امل في الله]

استغفر الله العظيم وأتوب اليه

ما هحكيلك يا اختي انا شفت قد ايه في الدنيا دي يحزن لكني ربنا اكرم وأحن من الدنيا بالي فيها
اتوكلي علي الي خلقك واعرفي انه خير
المنع خير لو صبرتي والعطاء خير لو شكرتي
رددي جوا قلبك قبل لسانك اللهم لا اعتراض

عارفه انا طول ال 3 شهور الي فاتت لو بصيت لطفل في الشارع وحسيت بنفسي بشتهيه وبزعل اني مليش نصيب صدقيني بجري. اتصدق واتبرع بفلوس وأساعد حد كبير في السن وكل حركه فيها خير كانت بنيه الحمل او بترجي ربنا يهون عليا الايام ويصبرني
كانت ايام صعبه لكن ربنا احن من الزوج والأهل
لدرجه اني بستني الدوره وطبعا نفسي في الحمل السليم لاني اجهضت مرتين وعديت 30 سنه وكل شهر فرصتي بتقل اني احمل لكن يقيني بالله اني لو ما حملت بيكون خير ليا
اسفه لو كلامي هيضايقك لكن لازم تراجعي نفسك وتعدي نعم ربنا عليكي بدل ما تشوفي مين حمل ومين خلف شوفي مين ما اتجوزتش ومين ربنا حرمه تماماً من نعمه الاطفال ومين ربنا مش موسع في رزقه
وقولي قبل اللهم لا اعتراض ( اللهم لك الحمد علي ما وهبتنيه من نعم )