السلام عليكم ورحمة الله وبركاته
صباح الخير صبايا
انا عضوه جديده بالمنتدى
اتمنى تقبلوني بينكم نتشارك همومنا سوا وندعي لبعضنا
الله لايحرمنا الاجر يارب
والله يرزقنا من واسع فضله
بقولكم قصتي
انا متزوجة لي الان سبع سنوات واربعة شهور بالضبط
تزوجت يوم كان عمري 21 سنه وكان عمر زوجي 26
كنت وقتها طالبه
مااكذب عليكم كنت واثقه من حملي باول زواجي لكن للاسف
بعد اربع شهور حللنا وطلعت المشكله من زوجي
الحيونات المنويه عنده صفررر
اجلنا موضوع العلاج لين اخلص دراسه بعد سنتين
اخذت موعد بالمستشفى ومن اول تحاليل اقرو لنا علاج اطفال انابيب
بدينا بكورس العلاج والحمدلله لما وصلنا عملية زوجي الي هي الخزعه
للاسف قالو مافيه حيونات منويه حتى بالخصية واصلا الخلايا المنتجه عندك معدومه
بصراحه مااستوعبت الصدمه وقمت بمشي من عند الدكتور ودخت
وربي احس اني كسرت خاطره وبالاساس انا كسرت خاطر نفسي
حاول زوجي يعالج في كندا وفي مصر والاردن لكن مااخفيكم هو مو جدي بالعلاج
والان جالسه لاعلاج ولاشي
لكني مؤمنه بقضاء الله وقدره
ومفوضه امري له وحده بانه اذا اراد الرزق سيرزقني
اصلي الوتر والقيام واستغفر الحمدلله واتصدق
واصلي السنن الرواتب وصلاة الضحى
وادعي ربي بكل وقت لنه يرزقني واحمده على نعمة العظيمه التي من بها علي
بنات طلبتكم ادعولي بالحمل السليم
والذريه الطيبه
ولكم بالمثل
اسفه على الاطاله بس حبيت تعرفون وضعي
شكرا لكل من دخل موضوعي وخصني بدعوه وله بالمثل ان شاء الله