السلام عليكم ورحمة الله وبركااته حبيت أشارك بمسابقة اجمل قصة مع فوضت امري لله وشهوده هذه قصتي الشخصيه لا فيها زياده ولا نقصان يشهد علي ربي وياارب تستفيدواا منها احم احم بسم الله نبدي (العيد عيدين) كان يا مكان قبل 5 سنين من هذا الزمان تزوجت المتأمله خير وكانت حياتها من أجمل ما يكون الى ان عدى اول شهر وثاني شهر وثالث شهر وبدأت الاسئله اللي ما لها داعي من أبطال كل قصه (المتسائلون المتطفلون) كأني ماكينه جديده بكرتونتها ولازم اجباري تشتغل وتجيب أولاد ولا كأني من خلق الله من لحم ودم ويتحكم بقدري رب العزه والكون جل وعلى والله والله والله ما يمر شهر وتنزل الدوره الا أبكي وأسوي فيلم هندي وزوجي يجهز ورق الكلينكس وابدأ أقول خلاص حبيبي ااذا تتزوج أتزوج (هبل البنات اول ما يتزوجواا ) هههه وانا بعدني ما اعرف وين العله فيه ولا فيني وهذا الكلام بعدني ما خلصت السنه شهور بس وبدأت اسئلة الناس وإلحاحها يضغط علي أكثر وصرت أقول لزوجي يلا المستشفى الفلاني او الاستشاري الفلاني والله مسكين يكون ضحية الانتقادات من الدكاتره يقولوله حرام تبهدلها من الحين في المستشفيات ويسكت ما يعلق المهم خلاصة الروحات على المستشفيات الحمدلله مااافينا شي وهالكلام كله بمستشفيات الاردن ورفضو الدكاتره خاص وحكومه رفض قاطع اعطائنا اي شيء لانهم قالولنا قبل السنه ما ينعطى أي شيء