أخيرا بعد 10 شهور تفكير بالحمل و هم و كآبة طلع تيست الحمل ايجابي ..
و الله ما سدئت عيوني انا بالعادة كل شهر ما بسدئ اني مو حامل و بفأعلي شي 10 تيستات حمل و بعدا نفسيتي بتصير بالأرض ..
بس هاد الشهر قررت اني ما اشتري ولا كاشف بس التفكير بالحمل ما ادرت شيلو من راسي ابدا مع العلم انو دورتي ابدا مو منتظمة شهر بتجي 30 و شهر 29 و شهر 34 و مرة 44 يوم يعني بتعزبني كتير ..
و لما عرفت اني حامل كان اليوم ال 34 للدورة ..
اما عن الأعراض انا من اسبوع تأريبا مفجوعة عالأكل بطريئة غريبة و بتلفت نظر .. و من 4 تيام تأريبا حس بنفس مغص الدورة يجي و يروح و كل مرة بؤول نزل الدم خلص و ما شوف شي .. عدا عن انو صدري كبر و صار اقسى من اول و لونو ما تغير كتير ..
الله يفرح الب كل وحدة حابة تحبل متل ما رب العالمين جبر بخاطري و حبلت ..