يعطيك العافيه جزاك الله خير
انا ودي اعرف كيف نتعامل مع الرجل الكذاب
بالذات الي يكذب بدون سبب يعني الموقف مايستدعي الكذب وبرضه لازم يكذب
والزوج الغير مسؤل اللامبالي الي مايهتم في المستقبل ولايوفر ولاعنده طموح ابدا
ولك جزيل الشكر
الكذاب اذا كان كذبه لايؤثر على الحياة يطنش واذا كذبه كارثي يواجه بحكمه حتى يتوب
اما الغير مبالي فهذا برأيي هو الكارثة
والله يعين المرأة اللي تتعامل مع رجل بلا طموح
اعتقد لازم يحفز ويذكر بتقصيره أو يرسل عليه بذكاء من اطراف ثانية لتحفيزه على الطموح والعمل على المستقبل
لماذا يتغير تعامل الرجل لاهل الزوجه بعد الزواج(مباشرة وقبل ان تحصل مشاكللدرجة حتى ينزلها للبت ماينزل يسلم عليهم الا في المناسبات الكبيره كالاعياد) بينما كان يحترمهم ويقدرهم قبل الزواج؟؟
لماذا يعامل ام الزوجه بالاخص على انها عدوه اللدود( وهو حتى الان لم يحصل بينهما شي) ؟؟
طبيعي جدا
كل الأزواج في الغالب كذا علاقتهم باهل الزوجة
اما ليش كذا ؟
فالعلاقة اصلا ماتكونت نتيجة صداقة او عمل او عادة اجتماعية ولكن الزواج جمعه بهالعائلة يعني
وعدم التواصل برأيي لصالح الزواج ( الزوج والزوجة) لأن اي احتكاك ينعكس على الزوجين
واي شراكه مالية تنعكس نتايجها على الزوجين
وبالنسبة لأم الزوجة ماعندي سبب الا انه يمكن يكون خوف من حجدوث المشاكل
وعلى كل سبحان الله ماادري ليش الحموات مايحبونهن ازواج بناتهن
انا ماابي اتفلسف واقول اسباب لكن انا استغرب مثلك
أولا مشكور على هالموضوع الحلو
واذا تسمح عندي سؤال صغير
ليش الريال قبل الزواج ممكن يسولف لين ثاني يوم
وبعد الزواج كله ساكت ؟؟؟؟
اهلا بك
قبل الزواج الزوجه عند اهلها والزوج عند اهله
فيه شوق .. ومشاعر جديدة
والبعد يشعلها ويخلي الرجل يتحدث بدون توقف
عكس المرأة اللي تبدأ بهدوء
وبعد الزواج كل شخص يعود لطبيعته وتهدأ المشاعر
يقال (( قبل الزواج الرجل يتكلم والمرأة تستمع ... وبعد سنة من الزواج المرأة تتكلم والرجل يستمع... وبعد كم سنة الرجل والمرأة يتكلمون والجيران يستمعون ))
وسلامتك