شوفي حبيبتي الرحم احيانا يفتح 1سم او حتا 2 سم بدون ذيك الالام اللي تذكر
لكن بوضعك اولا تاكدي انه مغص طلق مو مغص من الاسهال وانتي بكرامه
ممكن داخلك برد ؟ دفي نفسك كويس وخذي اشياء توقف الاسهال مثل الموز وكذا
الم الطلق مميز .. يجيك مغص يبدا من ظهرك وينتهي ب اسفل رحمك تحسينه مثل النار
مو يبدا بالبطن مغص وبعدين تحسين الالام الظهر هذا مو طلق
اذا بدا الشد من الظهر للبطن هنا يكون بدايه الولاده
اما كل 6 ساعات ف لسا بدري يبيلك وقت
اذا تاكدتي انه طلق شدي همتك وامشيلك ساعه بيشد الطلق وتولدين
انا عن نفسي ماحب اروح وافحص داخلي دام اموري طيبه والجنين يتحرك ومانزلت مني مويه
انتظر لين ينتظم الطلق كل 5 دقايق بعدها اروح يكون فاتح 4 سم ، مايلحقون يستهبلون معي وكل من هب ودب فحصني
ف انتي طلقك مو منتظم حتا لو يجي كل 6 ساعات راح يرجعونك لان لسا بدري
اهم شي لا تجهدين نفسك ب المشي ابدا .. اذا مشيتي مثلا وتعبتي فعلا بعد نص ساعه خلاص وقفي مو تقولين لا بمشي عشان اولد وتجهدين نفسك
خطر جدا .. وحده كذا فاتح 3 سم وقالت بروح امشي وارجع .. وحطت جهدها بالمشي وارهقت نفسها بشكل
لما رجعت لقوا الاكسجين نازل عندها وعند الطفل ورفضوا يولدونها طبيعي وولدت قيصري
ف الواحد مايرمي نفسه بالتهلكه .. على تحمله يمشي ويتحرك ،
الله يهونها عليك وتتسهل يارب ، ولا تنسين سوره الزلزله ،