[أم فروحة]

نمّي فيه الوازع الديني وحدثيه بما تخافه النفس( خوفيه من ربه وخوفيه على نفسه)( فهميه ان رب العالمين بحاسبه على كل نظرة غلط)
فهميه اني اللي سواه غلط وعقابه عند ربه كبير وانك حتى لو ما شفتيه ربه شايفه, وقولي له ان هالأشياء في النهاية بتجيب له أمراض وسمعته بين اصدقائه بتصير زفت لأن أكيد في أحد يساعده ومشاركه بهالشي( أصدقاءه الحين اكيد عارفين ولما يكبرون بيعرفون ان اخلاقه مو زينه) يعني فهميه انه ما يشوه سمعته
طبعا هذا كلام مبدئي الدور الأكبر على أبوه والمثل يقول:اذا كبر ابنك خاويه
المراقبة الحين لازم تكون من الأب والإرشاد والتوجيه ايضا والرجال عندهم كلام مو عند الحريم
وازعلي على ولدك فترة ولاعاد تكلمينه وقولي له انت خيبت ظني وزعلتني لاني ربيتك زين وانت طلعت شيئ باختصار أنبيه خليه يراجع نفسه ولاعاد تمدين ايدك عليه المراهقين يعاندون اذا انطقوا
والله انا ماعندي اولاد يا قلبي ماعندي إلابنات ومن هم صغار وانا احدثهم بهالامور وان شالله اني مسوية لهم مناعة علشان لما يصيرون بوقت المراهقة أكون ماسستهم صح , بس ولدك مرحلة متقدمة وهذا كله من رفاق السوء ياليت تعرفون من يرافق وتتدخلون بالموضوع
والله يهدي بالكم شدة وتعدي ان شالله