[نبض الغيم]

السلام عليكم ..
حبيبتي انتي طيبه وخلوقه وماشاء الله على تربيتك ...طلبك للحل دليل على انك تحبي يكون لك عائله حلوة وبيت وهدوء وسعاده ..لكن الحياة ماتعطينا امنياتنا دايم ..واذا تعدلت مع الزوج تدخلوا اهله واذا اهله طيبين هو الشر واذا هو واهله طيبين يتسلط واحد من اخوانك او ابوك او اي احد وينكد عليك لسبب بسيط ان الله سبحانه خلقنا بالدنيا وخبرنا اننا راح نبتلاء فيها وبنتضايق وبنتألم ويبخت اللي يصبر ويحتسب ويلجأ لله سبحانه في طلب المعونه والتوفيق...وانا اقدر موقفك وحاسه فيك انتي من حقك تستمتعين بطفلتك تعيشين لحظاتك معاها تلبسينها تلعبينها ..بس بقولك شئ بعض العوايل اذا ولدهم تزوج وانجب يملكون ولده ويتحكمون فيه والام تصير متمسكة بالطفل حد الجنون وتشوف زوجة ولدها غبيه وماتعرف تتصرف مع طفلها ...يعني يبيلك حكمه في التصرف معاها ..
واول شئ تسوينه انك تنشبين في بنتك تروحين معاها وتجين معاها وقولي لها ابتعلم منك كيف تعاملينها خليك لبقه وجاملي وترى كبيرات السن يحبون المدح يالله يموتون عليه ...وفيه فكره قالوها البنات حلوة انك تحاولين تستغلين الوقت اللي تفضين فيه لنفسك وزوجك وحماتك بتمل وبترميها عليك ...لا تبينين انك منقهره منهم بالعكس تدلعي اكثر راح ينفهرون ويرجعونها ههههه
ترى جد اكلمك سويها وبترتاحين ...ومدامك حامل او تنوين تحملين الثاني لك لا تسمحين ياخذونه ابدا ...بعدين مشكلته مع اهلك من السبب فيها هو او هم ؟انتي جاوبي نفسك بالحق علشان تعرفين تاخذين قرارك مو زوجي اهلي مايحبونه اتركه والله لا يحبونه ابد اهم شئ انا احبه او لا ؟
بعدين حاولي مو كل شئ تقولينه لاهلك عن مشاكلك خليها بينكم هذي اسرار والا هل بيقفون معاك وما ينسون المشكله ويمكن انتم تتراضون بينكم وماحد يدري صح ؟
عيشي حياتك ولا تصيرين حساسه كثير وبعدين اذا تبين زوجك يصير معاك لا تحاولين تقولين امك امك امك بيكرهك زياده لأن امه واخواته يموت فيه هم احسن الناس وانتي الحقوده اللي تبين تاخذينه منهم هذي وجهة نظره طبعا !
انتي حاولي تخفين مشاعرك وتكسبين زوجك هو من نفسك راح يبعدك عنهم لأنه مايبي يخسرك لكن اذا انتي استمريتي على اسلوبك تزعلين وتطلعين تعطينهم فرصة يكرهونه فيك ويقسونه عليك خليك عاقله انتبهي لبيتك واذا تحبين زوجك خليك معاه وبقولك شئ مهم يمكن تقررين تتركينه بعدين تندمين وتبين ترجعين وتلقينها زوجته وحده ثانيه لا تستسلمين ابدا لهاشئ ..واذا يقولك عطينا البنت نربيها قصده اذا قصدك البنت احنا نقوم فيها مو بحاجتك شوفي طريق ثاني خليه هو مايستغني عنك وجاهدي وحاولي ولا تتسرعين في اخذ قرار واحس انك صغيره في السن وخبرتك قليله في الحياه تعلمي ولا تحاول تحملي ورا بعض تريثي عيشي حياتك لاحقه ...
حبيبتي بسألك عده اسأله ولك الحق في الاجابه عليها هنا او بالخاص لأن بدونها ماراح نقدر نقولك انتي على حق او لا ..انتي صغيره ؟
اذا جيتي تشيلين البنت او تغيرين لها تعورينها قاسيه عليها وماتعرفين تلبسينها بسرعه ؟
تعرفين تغيرين لها بدون ماتألمينها اقصد الحفاظ؟تعرفين تروشينها في مكان دافي وآمن ؟يمكن شافت منك شئ خوفها على النونو فهمتي ...
انا ما اتهمك ابدا حبيبتي هذي مجرد اسأله ...
حبيبتي تعاملي بحكمه واهدئي ولا تطلعي من بيتك ابدا إلا لشئ كبير انتبهي ...ارجوك لا تزعلي علي يارب تتوفقين يارب وتشوفي بنوتك عروسه