برائي الكنب يكون لون غامق (ا بويتك حلوة تأخذ اي لون) والخداديات تكون لون فاتح تدرجات للون الكنب مع البوية والاكسسوار اللي حولهم وسجاد الارض يكون مجموعة هادئه ؟ ؟ ؟ ؟ (((على فكرة في مشاركة بعنوان عالم انيق (للاخت انفاس مطر)في منتدى الديكور ممكن تفيدك وتتضمن موقع ويب شوفيها)) يمكن ربشتك ؟؟ اقلك نقلت لك هدة المعلومات فن تنسيق الخداديات مع الكنب للوسائد الصغيرة " الخداديات " فن يضفي على أثاث المنزل لمسة جمالية تبرز الوسائد أناقة وجمالية أثاث المنزل، و تستعمل اليوم لإظهار لون القماش المستعمل أو لكسر رتابة لون ما. الوان الخداديات كنب بني (بدرجاته ) او بيج غامق: يعتبر اللون البني والبيج من الالوان الي تركب معها أغلب الالوان وأجملها الفواتح لانها تعطي ألوان طبيعة وتقدرون تتفننون في الاختيارات خداديات لكنب باللون الاخضر : تخيلوا شجرة او نبتة وعليها الزهور او الثمار وسبحان من أبدع باجمل لوحاته في الطبيعة ..فكل الألوان تركب معاه بس أجملها الألوان الدافئة -الاحمر والاصفر والبرتقالي والوردي خداديات لكنب باللون الأحمر : لون دافئ وحلو معاه كل الالوان الدافية ولكسر الحرارة خذوا الأخضر والأبيض والأسود كمودرن خداديات لكنب باللون الأزرق : الألوان الترابية رائعة معاه ( البني بدرجاته ) والبيج والرمادي والوردي واالاخضر خداديات لكنب باللون الأصفر : يتناغم معاه الألوان الهادية لأنه ناري ..مثل الأزرق التركوازي والغامق والأخضر التفاحي والزيتوني والبنفسجي والوردي الألوان الترابية والابيض والبيج ..واذا حابين الغرفة تكون حيوية ومودرن ضيفواالأحمر والبرتقالي بس يكون مشجر أحلى اذا دوختك سامحيني لا تدعي عليا