السلام عليكم يا اخواتي الحمد لله ربنا كرمني بالحمل الشهر اللي فات و بقالي كم يوم كدة و اكمل شهرين باذن الله تعالى وياريت حد من الاخوات اللي حملو قبل كدة ينصحوني اعمل ايه عشان اخلص من الترجيع و الشعور بالغثيان الدائم, والله مش قادرة آكل اي حاجة إطلاقا الا الفاكهة , ولا قادرة اشم ريحة طبيخ ولا طايقة اي حاجة و على طول عصبية و رغم كدة جوزي مستحملني عشان دة اول بيبي لينا معاناتي بتزيد يوم عن يوم . و ما طبختش يجي 10 ايام و جوزي عايش باكل المطاعم وساعات اكرمكم لله بخاف اخرج اشم شوية هوا عشان ممكن ارجع في اي وقت واللي مزعلني اني مش عارفة استمتع بفترة الحمل الاولى ، ده حتى جوزي مش طايقاه و رغم كدة مستحملني و شايلني على راسو من فوق يااااااررريي يا اخواتي تنصحوني ب اي حاجة اعملها تخفف عليا والله بقت عندي فوبيا من الاكل اسأل الله العلي القدير ان يثبت حمل كل حامل وان يرزق كل منتظرة او محرومة بالحمل السليم المعافى عاجلا وليس اجلا وياااااارب تسهل عليهم الوحام مش زيي ابداااااااااااا