رديت عليك بتجمع محرم وهذا كان ردي
ياهلا وسهلا فيك كانك تتكلمين عني انا عندي اطفال وكمان حامل وكل مره اقول اخر مره بس الحمدالله ربي يحفظلي عيالي ويبارك لي فيهم انسا الالم والتعب لمن اشوفهم حولي والالم دااايم الايام كفيله انها تنسيك هوا ياما مواقف وصدمات من ناس نعزهم حصل منهم شي جرحنا وبكينا وقتنا مستحيل ننسها هذا الشي الي سوه بحقنا وسبحان الله بعد ايام يسير هذا الموضوع عادي بنسبه لك ممكن تقابليها بمكان وتسلمي عليها من غير ماتحسي قلبك فيه شي عليها
زي مثلا الي يسير عليه حادث ويتعور ويقول توبه من السيارات مستحيل اركبها بعد اليوم لين اموت بس يطيب من جروحه وتمر عليه ايام على طول يطلع السيارات ويشتري سياره ويسوقها من غير خوف
الولاده زي الزكام لاجاء يتعب ويجيب الكحه ويسد نفسك عن الاكل وتكرهين الكلام والخرجه من البيت بس اول ماتطيبي منه ترجع حياتك زي ما كانت يعني بعد اسبوع من الزكام ما بتتذكري كيف كان وضعك صعب بسبب الزكام وايش سار فيك بسبته >> هذي هي الولاده تعب بوقتها بس لطلع النونو بخير وتعافت جروحك بتشتاقي لنونو تاني وهذي غريزه كل ام >> هذي الحيوانات تتعقد ولادتهم وماعندهم لادكتوره ولا بنج مالهم الا رحمت ربي فما بالك انتي بوقت الولاده بيكون عندك اكسجين وابره مخدره ومسكنه للام وهذا الوقت بتكون دعوتك مستجابه لانها بتدخل في دعوه المضطر ودعوه المضطر مستجابه استغلي هذي الحظه وادعي لنفسك ان ربي يسهلها لك وادعي للنونو وزوجك وبعد مايخرج النونو صدقيني كل هالالم تختفي سبحان الله