يااااااهلاااا وغلاااا مساااااااااااائكم عطووووور فواااااااااحه وقلووووووووب مرتاااااااااااااااحه اتمنى اكووووووون ضيفه خفيفه واكووون عند حسن الظن والاختيار تعجز كلماااتي عن الرد والتعبير على ترحيبك واستقباااالك العطر دااااائما متميزه فديت عطاااائك الله يبااارك بجهودك ياغاااليه 1- نبذة مختصرة عن قلب عايض كما تحب أن تتكلم عن نفسها ؟ انسااانه حبووووبه قممممممره جمييييييييييله <<< ههههههههه احب الحياة ببساطه وحب ما احب المشاكل والزعل احب امي وابوي وعيالي وبعلي احب الخير للكل واتمنى حياتكم كلها توفيق ورضا من الرحمن 2- ماهي العادات في الاكل بالنسبة للنفاس وماهي المشروبات المتعارف عليها بالرياض كنوع من العادات والتقاليد المتبعة ؟؟ في الرياااض قبااايل كثيره وعادتها تختلف عن بعض بس باتكلم عني انا وجماااعتي النفااااس يكون اكلها من مكونااات البر (مرقوق عصيده قرصان مصابيب عريكه ) مرق لحم او دجااج مع خضاار وفلفل اسود ضروري << مادري ليش بس ضروري مشروباتنا الحلبه نطبخها بالحالها او مع الحليب ونحطها بترمس وتشرب منها طول اليوووم نبعد عن الرز والمكرونه والخبز الابيض او مانكثر منه احيانا تخربها النفااس من الحلا والفطائر والكيك والحركات اللي يجيبونها الزائراات والمهنياات طبعا يكون زيااارتهم طول اليوم ماشاء الله ماينقطعون وحوااايج النفاااس من حلبه وشمر ويانسون وحبه سوداء ونونخه ومااش ورشاااد << طبعا لكل عشبه استعمال قهوة النفااس قشر قهوه وحبه سودا ونونخه ويانسون ومسمار ومر البعد كل البعد عن البارد والليمون والمشروبات الغازيه 3- كيف يتم الاستعداد لاستقبال الطفل الأول ؟ وكيف كان استعداد قلب عايض لـ هذه التجربة ؟ طبعا انا اتكلم عن نفسي فرحتي بحملي لاتوصف واعد الايام عشان اشوف طفلي وطبعا كل اهلي واحبابي يشاركوني فرحتي حتى اني اخذ كل تعليمات الطبيبه بكل حذافيرها لاقي جنيني كل مكروه ب‘ذن الله اما عن استعدادت استقبال الطفل ف أكيد بيكون بتجهيز شنطة المستشفى وغرفة استقبال الزوار والصواني والكاسات والزمازم وهدايا الاطفال ((لتقديمها في سابع الطفل (تمايمه)) 4- هنالك عادات خاطئة قد تراها قلب عايض من وجهة نظرها بالنسبة للنفاس ؟ هناااك مبالغات اراها من وجهة نظري ب ‘ما التجمل الزاااائد ووضع المساحيق والتسريحات واللبس المبهرج او على النقيض من ذلك وهو اهمااال النفااس الاهتمما بنظافتها وترتيبها واناقتها الغير مبالغ فيها بحجة انها تعبانه او عشن العين والحسد وبعض العوائل في الرياااض يتم استخدام نساااء لصب القهوه وتقديم الحلا كنوع من البهرجه الزااائفه وتحميل الزوج مالايطيق 5- ياليت تقدمين لنا وجبه تأكلها النفاس المقادير وطريقة التحضير ؟ " العريكة " أكلة جنوبيّة .. هلمّوا إلى المقادير والطريقة معاً .. العجينة .. مقدار من دقيق البُرّ + ماء كافي للعجن + رشة ملح إذا ما كان الطحين مملوح .. نعجنها مع بعض حتى تتكون عجينة سائلة (قوامها شبيه بخليط الكيك ) ،‘ نتركها ترتاح لمدة 10 دقائق ثم نضعها في صينيّة الفرن .. ،‘ نتركها تنضج ونتابعها حتى لا تحترق أو تزيد مدة وجودها في الفرن وتصير قاسية .. وفي هالأثناء نحضِّر العدّة والعتاد للعمل .. والأشياء اللي بنحتاجها لعملية العرك << فعل مأخوذ من العريكة كيس .. لازم يكون نظيف + ويحتمل الحرار ( أنا أستخدم أكياس الشوي حقت الفرن ) وكمان كيس ثاني خارجي .. منشفة نظيفة وخاصّة بالعمل علشان ما تحترق يدك من حرارة الخبز .. ،‘ سمن بلدي .. أو رضيفة زبدة >> إذا صار عندي وقت عملت الرضيفة ونزلتها لكم إن شاء الله .. وأنا هنا استخدمت سمن بلدي من عند أمي عسى ربي يحرّم وجهها عن النار ويطوِّل بعمرها .. ،‘ نروح للفرن ونطلع الخبزة وبسرعها نحطها في الكيس .. ،‘ نحط عليها قطعة سمنه علشان وإحنا نعركها ما تلتصق في الكيس .. ،‘ ندخل هالكيس في كيس ثاني حتى مانتضرر من الحرارة أو ينقطع الكيس ويخرج اللي بداخله .. ،‘ نستخدم المنشفة كعازل حراري ونبدأ التعامل معا بكل شراسة وبسرعة حتى ما تبرد وتصير بالشكل المطلوب .. ،‘ بعد ما لعبنا معها وصارت هيِّنة ليِّنه .. نطلعهامن الكيس ونحطها في صحن التقيم ونرتب شكلها ونعمل فيها حفرة في الوسط لنضع فيها .. ( السمن + العسل ) أو ( السمن + دبس التمر < أو ما نسميه " الرُبّ " ) ونضع التمر على الأطراف .. ،‘ بالسمن .. ،‘ بالسمن والرُبّ .. ،‘ ،‘ ،‘ وتؤكل هكذا .. 6- كيف تم اختيار اسم المولود الاول ؟ وهل كان اختيار مشترك بينكِ وبين الزوج ؟ كان اختياره من جهة والده ولم اعترض لان الاسم جميل ((طارق)) لثاااني انا ((محمد )) 7- ماهو لون المفرش اللي تم وقع الاختيار عليه اثناء الولادة ؟ المفارش لووون واااحد ابيض ومطرز ومؤخرا بديما فصلت ع اختياري تركواز مع ذهبي مع باااقي الاغراااض اكتفي الليله بهالكم من الاجوبه واتابع معكم بعد شويااات انتظرووني عدناااااااااااااااااا 8- ماهي طقوس الاسبوع الاول من استقبالات وضيافة ؟ مافي طقوس معينه بالاسبوع الاول عن غيره بس دائما الاسبوع الاول مافي زيارات كثيره عشان النفاس تاخذ راحتها والاحتفال بقدوم المولود يكون صاااخبا في هالفتره بزيااده ههههههه 9- ماهي التجربة التي خرجتِ منها من حملكِ الأول ؟ احسست بالمسؤليه اكثر وشعور جميل تحمله الام بطفلها الاول اسأل الله ان لايحرم من ارادت الذريه الطيبه 10- هل تؤمنين بمبدأ الثواب والعقاب بالتربية مع الابناء ؟ اكيــــــــــد ولاااازم يتعود الطفل ع هالشيء عشان تقدرين تتحكمين في تربيته التربيه الصالحه 11- الطفل الاول عادة ماتخرج الام منه بتجربة جميلة هل هذا يسهل ع الام في الحمل الثاني وطريقة الاستعداد والتربية ؟ جدا يسهل الكثييييير وتطلع الام بخبره واسعه وادراك للامور اكثر ويسهل عليها التعامل بسلاسه مع الطفل الثاني بحكم الخبره التي اكتسبتها 12- كلمة اخيرة من تجربتك ونصيحة تقدميها لكل الحوامل والمقدمين ع الانجاب ان شاء الله؟ اولا اسأل الله العلي القدير ان يمن على الجميع بالذريه الطيبه والرزق وجنة عرضها السموات والارض وثانيا حبيت اوضح لاخواتي ان الانجاب هبة من رب العالمين ونعمه نشكر الله عليها فالله الله في شكر هذه النعمه والمحافظه عليها وعدم اهمالها او إلقااااء المسؤؤؤؤليه على الخدم ومن لم يرزقه الله بالحمل اقوووول لها لا تيأسي من روح الله واحسني الظن بالله واكثري من الاستغفار والتقرب الى الله بطاعة اوامره واجتناب نواهيه وماعند الله خير وابقى اشكرك من القلب غاااليتي اسعدتيني بضيااافتك وشرفتيني باختيااارك لك مني كل الحب والتقدير