بالنسبة لي ياينات اول مشكلة صارت لي
في شهر العسل ! وتحديداً أول اسبوعين من شهر العسل وكانت بسبب الانترنت! نعم الانترنت جا من برى وشافني جالسه على النت ! وزعل علي وهاوشني وقالي كل وقتك على النت وهو للمعلومية ماعنده اي اشكاليه اني اجلس على النت بس مادري وش صارله , المهم طلع من البيت زعلان وصار مايكلمني لمدة اسبوع تقريباً احاول اكلمه, وأدق عليه وارسله رسائل مايرد علي , حسيت الموضوع ببيوصل للطلاق لانه تقريباً علاقتي فيه مقطوعة .
بس يمكن هو حامت كبده مني لاني كنت دلوووعة مرررة ! وأقل شي لو مزحة كانت تزعلني, العلم عند الله
الشي اللي قهرني بالموضوع انه على طول راح يعلم امه ! وطول الوقت مايجيني في البيت بس جالس عند اهله
امه ماتدخلت بالموضوع بس صارت تحكيلي انه فلان طلق زوجته بسبب النت
تخيلو عروسين متخانقين في شهر العسل !
لا وعلى شي تافه وتنتشر بين الناس انه متخانقين والله من الكلام اللي بيطلع عليك ,
بالنسبة لحياتي الاجتماعية مع زوجي
احس شخصيتي تطورت وصرت انسانة مسئولة ومتفائلة اكثر واحرص اني اسمع كلامه واللي يزعله ابعد عنه
في المقابل صارت عندي روح المناقشة يعني لو صار فيه مشكلة اروح اواجهه واناقشه ماسكت زي اول, اذا انا غلطانة اعتذرتله واذا هو غلطان ومصر انه مايكلمني خليته على وضعة انا اكلمه عادي جدا ولا كأننه شي صار