ااااه يابنات والله ضايق صدري ودي اشكي لكم تحملو شكواي ماعندي الا الله ثم انتم*
ام زوجي كل ماجلست عندها جلست تناظر لبنات ولدها الثاني وتقول ياشين البيت الي مافيه اطفال تخيلو وتكررها عند زوجي كثير
مره قالت لزوجي متى تحملون قال مو الحين متى ماكتب ربي وبعدين ماوراهم الا وجع الراس .. زوجي قال كذا علشان مايحسسني بالجرح
ردت امه وقالت من زين بيتكم مافيه اطفال يازين وجع الراس الي منهم
تخيلو دايماً كذا احس بضيقه ادري زوجي يبي اطفال بس يشوفني اعالج انا مابيدي شي والله يابنات تعبت اتعالج كل شي سليم عندي .. هذا قضاء وقدر ليش الناس تجرح كذا
اكتب لكم ودموعي على خدي*
كل من شافني متى تحملين كلمه احسها سكين بصدري مين اللي ماودها يكون عندها اطفال؟
كلنا نبغى اطفال نلعب معهم اقل شي ينادوني بأم فلان بس مابيدي شي
احس بنقص لما اجي عندهم مامعي طفل حتى جيتي مايفرحون فيها اشوف ام زوجي تعزم كل حريم عيالها الا انا وتكلمهم جوال تعالو ضايق صدري الاطفال يونسون بالبيت وعلى هالحال ..*
بنات معليش والله جالسه اكتب والضيقه فيني ماليه الكون كله بعيوني ..*
متى تحملين ؟ كلمه اتعبتني
دعواتكم احمل هالشهر دعواتكم يا خواتي ..