السلام عليكم ورحمة الله وبركاته
حسيت بمنتداكم بالاخوة ما شاء الله وحبيت تشاركوني مشكلتي
والله يابنات نفسيتي مرة تعبانة واحيانا افكر انفصل عن زوجي مع اني احبو واموت فيه وما اتخيل حياتي من غيرو مشكلتي هي اني قبل سنتين تقريبا صارت مشكلة بينا على مقاطع اعوذ بالله لقيتها في الفلاش ميموري ولقيت في ايميلو كم ايميل كنت شاكة فيها انها بنات وحلف ليا ايمان وعلى المصحف انو مايدري عن المقاطع لان فلاشو كان عند واحد يشتغل عندو والايميلات ما يعرفها لان بيقبل من غير ما يتأكد ايميل مين المهم صادفت ديك الايام وكنت ملاحظة تغير تعامل زوجي ولما اقول لو انت ليش اتغيرت يقول يتهيألك ومشكلتي بدأت من ديك الفترة وصرت شكاكة لاتفه الاسباب واحس دايما انو كداب وانو عندو شي مخبيه والي زاد شكي الايام دي على طول برة البيت ويرجع ينام وحيلو مهدود ويقول مكروف وتعبان ومالو خلقي انا احاول ما ابين شكي بس وجهي يفضح كل شي ..انا احيانا اصدقو بس في قرارة نفسي يمكن يكدب ويستهبل علي واحيانا احس نفسي ظلماه وقرفتو حياتو وايام اقول كل الرجال كدابين...والله يابناتانا تعبت وقلت لزوجي ابغى اراجع دكتور نفساني اتعالج من الشك وهو يرفض ويقول ما فيك شي وجسمي انسخط من كتر التفكير وانا مقصرة في واجبات بيتي وزوجي وصرت جدا عصبية
هو دايما يقول انو يحبني واني الوحيدة بحياتو ويحلف بالله وان ما اصدق (طبعا الشك صار عندي من كذا موقف مرو علي في تعاملو في النوم في كترة خروجو من البيت ...)
ايش تنصحوني اعمل وسامحوني طولت عليكم