مرحبا صبايا
انا كنت حامل بشهرين بس ربنا ما اراد انه حملي يكمل والحمدلله
بعد ما اجهضت بيومين حلمت بالنبي محمد صلى الله عليه وسلم
احلمت انه انا وزوجي كنا ماشيين بطريق وشفته مغارة قديمة سالت زوجي شو هالمغارة حكالي هاد غار حراء الي كان الرسول صلى الله عليه وسلم يتعبد فيه
هلا انا بالحلم كنت عارفة انه الرسول متوووفي من زمان وقصة غار حراء وكلشي
المهم تركت زوجي ورحت اطلعت من شباك صغير شفت بالغار مصاحف صغيرة كتييييييييييييير وفي مصحف واحد كبير جداااا جدااا
المهم دخلت الغار شفت هناك شيخ لابس ابيض بابيض ما شفت وجهه
فتح ايدي واعطاني حبة زيتون لونها اسوود كبيرة حكيتله لا ما بدي اكلها هاد الزييتون لسه ما استوى حكالي لا اتوكلي ع رب العالمين وكليها اكلتها وكان طعمها رائع جدا جدا
رجع اعطاني كمان حبة تمر واكلتها
نده علي باسمي وحكالي ( فلانة ) انتي زعلانة حكيتله لا يا رسول الله انا مش زعلانة
حكالي لا انتي زعلانة انا ما بدي تزعلي وانا بحبك
وذهب وهو يلوح لي بيده
هلا انا وزوجي بالعادة بنام على صوت القران وانا احلم بالنبي وكنت سامعة صوت القران الي عم يقرا عندي بالغرفة
وصحيت بهمة قوووية واحس اني نشيطة جدا مع انه توني مسقطة
بليييييييييييييييز الي تعرف تفسر الحلم تفيدني