مرحبتين ياحبيباتي
انا سويت المنظار الرحمي( من خلال فتحة عنق الرحم), وجيتهم اليوم الساعة ٨ ص ودخلت على العمليات على الساعة ٨:٤٥ ص في مركز ذرية مع الدكتور عبدالعزيز الشهراني
الحمدلله يقولي الدكتور لقى عندي التصاقات على الانبوب الايسر بسبب التهاب ولحمية على جدار الرحم والحمدلله يقولي استئصلها ووضع جهازك الانثوي ان شاء الله كويس وومكن احمل طبيعي دون اللجوء للتلقيح او اطفال الانابيب لان المستوصفات كانو يتفلسفون علي ويقولون لي مستحيل تحملي طبيعي ومالك امل الا اطفال انابيب حسبي الله عليهم .
الاشعة سعرها ٣٠٠٠ رس والتحاليل ٤٠٠ رس, وجيتهم اليوم وانا صايمة عن الاكل والشرب ومن الساعة ١١ باليل الحمدلله سويت العملية وماحسيت بالامها الا بعد مافك البنج بس خفت الالام لما اخذت البندول.
بس انا عندي شي محيرني المنظار الرحمي مرة متعب ومن خلال بحثي في بنات كثير يقولو انهم سووه بدون تخدير انا استغرب والله كيف كذا والله يكون بعونهم بس.
بالنسبة لي انا تخدير كلي بنسبة محددة وماصحيت بعد المنظار الا بعد ساعتين بس صحيت من الالم بعد المنظار اجل الالم هذا بعد مافك البنج فما بالكم باالالم لحظة المنظار!
بعدين الدكتور وصفلي مضاد حيوي عشان الالتهابات وبرجليتنون مثبت للدورة وعشان يتعدل الرحم عني ويرجع لوضعه الطبيعي
عاد انا قبل المنظار كنت حلمانة اني شايلة طفلة رضيعة ورايحه فيها لزوجي وصحيت من النون وانا مرة فرحانة
بس انا خلال هالثلاث سنوات دائماً تجيني احلام ببنوتات
دعواتكم لي ياقلبوشاتي بالذرية الصالحة انا والمحرومات عاجلاً غير اجل
وبس هذا اللي عندي ياصبايا