[عيش الحياة]

اختي

الاخت سماسم ماقصرت

بالنسبه للحبل اذا خايفه تتعقد انا شفت بسنتر بوينت على شكل شنطة يلبس الطفل الشنطة وتتربط من بطنو وشكلها كرتوني وبعدين ينزل منها حبل تحطيه بيدك

الحل الوحيد لبنتك الصبر منك او شي وما تعصبي قد ما تقدري وافقيها على طلباتها لو في شي من هذه الطلبات خطأ حاولي تنسيها العبي معاها وضحكيها وما زحيها لما تنسى لأن الطفل يكره كلمة لا وخليها تشوف ملامح الابتسامة على وجهك

بالنسبه لتغير الملابس هذه الحركة ولدي متعبني فيها يجلس يجري ويضحك وما يلبس بس ما اضربو عشان يلبس وما انكد عليه اتبعت وسيلة العب زيو او زي ما يحب اجري وراه واقول له انا بسه باكلك وبعدين امسكو غصب عنو واجلس ادغدغو واضحكو واخلي يغفل لما اكمل لبسو صحيح يأخذ مني جهد بس عشان ما يبكي اخلي يضحك دحين الحمد لله احسن بس برضو احيانا يرجع يسوي نفس الحركة



دايم فهميها على الاشياء الخطرة والسيئة ( عيب ياماما بعدين تتعوري ) فهمي انك منعتيها عشان مصلحتها وتكوني عاديه مو معصبة لأن الطفل يفهم ملامح الوجه ونبرة الصوت اسرع من الكلام

والله يكون بعونك