وهذا مرقوق سهل مره ومفيد جدا دايم أسويه لكن ماعندي صور بجيب لك صور من النت
المقادير
1حبه باذنجان
1 حبة بطاطس
2حبه جرز
راس فلفل حار او رومي
2ملقعة كبير صلصة
بهارات
بصله كبيره
الطريقه
حمري البصل لين يذبل ويصير لونه بني وحطي فوقه الخضار المقطعه والصلصة والبهارات
وحطي ماء لنصف القدر وخليه يغلي 10 دقائق وبعدها جيبي أي نوع خبز عند لباني صاج اي خبز
وقطعيه وحطيه وخليه يطبخ لين يصير ثقيل وحلو زي الصوره
المقادير..
5 جذور زنجبيل
4 اكواب جليب
سكر حسب الذوق
الطريقه
اغسلي الجذور زين مازين وقطعيهم قطع متوسطه
1- حطيهم بجدر وصبي عليهم ماء تقريبا 1 كوب وخليهم يطبخون لين يصير لون الماي اصفر
2- اغلي الحليب لحاله
3- صفي الماي مال الزنجبيل وصبيه على الحليب واخلطيهم
4- حطي السكر حسب الرغبه
5- وقدميه حاااااااااار ...ويا سلااااام تمتعي بالطعم اللذيذ
اتمنى اكون افدتك اختي وساعدتك ولو بالقليل واذ اعجبتك انا مستعده انزلك اكثر