قدر الله وماشاء فعل الحمد لله
اللهم اجرني فى مصيبتى واخلفلى خير منها
يابنات روحت عملت تحليل دم والنتيجه ساااالب
الحمد لله
برغم انى عندي كـــــــــــل اعراض الحمل من بعد ايام التبويض وبتذيد ودرجه حرارتى الايام دي عاليه من بعض التبويض مانزلتش وصدرى فيه كل علامات الحمل والام مستمر من ايام التبويض فى المبيضين
ودخول التواليت المستمر
حتى الخط البنى ماسبنيش فى حالى ماكنش عندي ولقيت خط بنى خفيف وبنات كتير قالو من علامات الحمل وماكنش عندي وطلعلي الشهر دا.gif "hwaml15")
قـــــــــــــــدر ربي وماشاء فعل
انا روحت المستشفي بس الدكتوره بتاعتى كان دوامها خلص كلمتها وقالتلى اعملى التحليل وتعاليلي تانى بكرا سواء حامل او لا
وعملت التحليل و هروح لها بكرا
بس والله يابنات اول مره احزن بالطريقه دي
اول ما شوفت جوزي جاى عليا فى المستشفى فى ايده النتيجه وبيبتسملى انا حسيت ان النتيجه سالب لانه بيبتسم بس بحزن عنيا دمعت وماقدرتش امسك اعصابي اول ما ركبنا العربيه انفجرت فى البكاء
والله انا دعيت ربى وقولتله الحمد ليك يارب مقدما عن النتيجه مهما كانت وانا راضيه بقضاءك وقدرك
بس ككسره خاطرى كل مره بتوجع قلبي والله
الحمد لله دعواتكم يابنات ربنا يكرمنى الشهر دا ياعالم الخير فين
طولت عليكم بس والله بكتب وانا ببكى ماليش حد غيركم اتكلم معاه
ومتشكره على كل دعواتكم يا احلى اخوات
وربنا يمكل للحوامل علي خير ويثبت حملهم ويرزقنى انا وبقيت البنات الشهر دا اللهم امين