بقول لكم قصتي ولو اني تاخرت فقط مدة سنتين .... لا غير ...
في البدايه قبل الزواج كنت اعاني من اعراض اهمها زيادة في الوزنو زيادة فالشعر في منظقة الوجه(منطقة الذقن الفك ) وتساقط شعر(اهم شي مقدمة الراس)....
بعد الفحوصات طلع عندي تكيس وارتفاع شديد في هرمونات الذكورة طبعا بديت فترة العلاج .... حبوب منع حمل اللي هي دايان + دفاستون اظن ان ما نسيت اسماء الادويه اللي استخدمتها..
وزني نقص حول 9 كيلو...
وعقبها ترتبت اموري والحمدلله .... قبل الزواج كل شي تمام ...
تزوجت ..
وبديت استخدم المتفورمين (غلوكوفاج) ولا زلت امشي عليه ....
اول مرة يتني الدورة احباط بس بعدني عروس ...وريلي صح كان يبا عيال بس قال مب مستعيلين تونا معرسين ..
للعلم قبل ما اتعالج : الدووورة تنقطع شهور ودهور عني ...بعد العلاج منتظم سبحان الله يتجدم 2 يوم بس..يعني كل 28 يوم تيني شرات السهم ...
المهم شهر شهرين كل ما يتني اتالم سبحان الله نسيت انه يرزق من يشاء ويمسك عن من يشاء ....
المهم قبل لا اكمل السنه قمت كل ما اسمع حد حمل اوني ما سمعت اخاف احسد ...خخخخخخخخخخ واصيح عند بعلولتي روح عرس شوف نصيبك انا ما ايييب عيال
المهم يعني هو ما سووا فحوصاته للحين
وانا مصرة اني ما اييب
وهو كل مرة يقولي انتي مينونة ....متاكدة من رمستج المخبقة هاي...عقب لا تغيرين ...
اقوله لا انا اسدة رمستي وحدة مو ثنتين خخخخخخ
المهم سوا فحوصات وطلع سليم ....
المهم قالي انزين سيري انتي جيكي اقوله لا عندي تكيس اكيد ما بيب عيال ...
المهم رحت وطلعت ....
طلعت...
طلعت...
سليمة ...
بس بعد روح يا فلان وعرس شوف ذريتك <<<الجنون فنون
المهم سنه 2010 ريلي راح الحج ومن رجع قتله تلقيح وما تلقيح ....
سبحانه وتعالى امر ما يصير ... وفي شهر 3 من سنة 2011....يتني الدورة 19 _3 يوم السبت العصر (اذكر انواع الاحباط)...
بس امي اصرت اروح المراخة (تمسح البطن) يزاها الله الف خير اسمها ام صقر مرة والنعم فيها اخلاق وذوق فالتعامل...
رحت وانا اقول لنفسي يمممج الطب ما عرف توه هاي بتي بتعلاج على فكره انا رحمي كان مقلوب .... نسيت اقولكم هالنقطة ...
المهم مسحت كذا مرة وسوت حجامة ناشفة وعطتني ادوية ووصتني بوصايا يزاها الرحمن خير...
وقالت لي ان شاء الله ما بترجعين لي وان رجعتي اول يوم الدورة تعالي...
وتاخرت علي شهر 4 ....وما فحصت الا اول يوم من شهر خمسة يوم الاحد 10 بالليل ...
فحصت واانا ارتجف...
اجوف خطين واضحين ....
ومب عارفة شو اسوي...
طلعت قلت حق ريلي جوف...
ومن جافه سجد سجدة شكر ....
ومرت الايام ويبت بنوتة قمر ربي يحفظها (عفاري)
والحين حامل ^^ وبربي برمضان ^^
وقبل حملي ببنتي وبجري ( كنت امارس رياضه غيرت برنامج حياتي اقوم من صلاه الفير ما ارقد اريق ريلي وامارس المشي وعقب اقرا وردي واراجع سورة مريم واستخدم زيت الزيتون عالريج...قبل ما احمل بشهرين بديت ...مع الاستغفار... للعم طول هييج الفترة كنت اصبر نفسي بالعمرة ... )
والحين ولله الحمد من قبل ومن بعد على كل نعمه حامل للمرة الثانية وبدون علاج مع انني كنت شبه متيقنه اني مراح احمل الا بعلاج ... كذلك كل من يقرب لي او يعرفني....لما زفيت له خبر حملي فيوم عيد الاضحى قال ما توقعتج تحملين بدون علاج...سبحان الله ....قدرته اكبر من كل شي
بس حبيت اشارككم باللي كنت احس فيه للعلم والله كنت اخاف اطالع فويه ياهل اخاف لا صار فيه شي قالوا ناظلته بعين وحسدته ....
مودتي