حبيبتي قولي لا اله الا الله .. واذكري ربك وقوي نفسك ،
شوفي وش قد الحريم اللي يحملن ويولدن وطبيعي بعد ، وبعضهن مباشره بعد الاربعين ترجع تحمل ..
ماماتوا ! ولا صار لهن شي ابدا ..
صدقيني بعض البنات لما يحكن قصص ولادتهن يضخمن الامور ، وبعضهن هن السبب بتعسر الولاده .. تجلس تصارخ وترفض الولاده
عمليه الولاده طبيعيه وماتحتاج تدخل من احد سبحان الله ، يعني الوحده تقدر تولد لحالها وبدون مساعده
وعلى مر السنين حملن جداتنا وامهاتنا ولا ضرهن ..
فما بالك الحين فيه مسكنات وطاقم طبي حواليك وزوجك واهلك والكل يشجعك !
الولاده تجربه غريبه مهما سمعتي عنها بتكون تجربتك غير صدقيني ..
انا ماقولك الولاده مو مؤلمه ، ولا اقولك سهله وبدون تعب .. مافي شي بدون تعب
حتى الحمل متعب ويستنزف طاقتك ..
لكن الولاده سبحان الله من تولدين يروح الالم .. حتى لو ماخذتي مسكن .. صوت بكاء طفلك مخدر من نوع اخر
مجرد تسمعين صرخاته صدقيني بتنسين تعب التسع اشهر ، وبتنسين الم الطلق والم الولاده
انتي يلزمك بس تتعلمين طريقه التنفس وقت الدفع ، تتمالكين اعصابك ونفسك
وتساعدين نفسك وتشجعينها .. انتي قويه وبتتحملين عشان البيبي وتفرحين فيه
ووقت الولاده ربك بيسهلك كل شي .. فجإه ماراح تحسين الا بالبيبي يدفع يبي يطلع للحياه وانتي تساعدينه
وينتهي كل شي ..
يعني الولاده مو شي دايم .. شي مؤقت وذكراه حلوه ، والاجمل انك بتكونين صاحيه وقت ماطفلك يجي الدنيا وتسمعين اول صرخاته
وتحضنينه وتنسين كل شي
خليك متفاذله وروقي حبيبيتي .. ربي يقومك سالمه ، ونصيحه لا تسمعين تجارب ولاده اي احد ..