[raja]

المشاركة الأصلية كتبت بواسطة siham-it

نستغل الفرسه و نعاود ليكم قصه الولاده ديالي.
نهار الخميس كن فيا لوجع ليل كولو كثر من باقي أيام ، نت صباح كيف ديما المناج وجدت لغدا و تفننت فيه هههه مع لوجع كان خاصني فاش نسي و حتى الدار كنت نجفف و نعاود من حر لوجع ، و لعشيه كنت معاكم في المنتدى إلا عقلتو قلت ليكم كنصايب في الحلوه ، إوا كملت الحلوه ديالي وجدت الكطي راجلي ، ملي جا زاد فيا لوجع ولا كل 20 دقيقه المهم وجدت لعشا و جمعت داري ، لوجع ولى كل 7 ، 6 دقايق ، المهم خليت راجلي يتعشى دخلت دوشت حرجتقلت ليه ديني سبطار،
المهم داني مغادي نلقا إلا هاديك المولده الي مكانتحاملوش ان وهي، غا دخلت قالت ليا نتيا قلباتني قلت 3 سونتيم ماشي ولاده دارت ليا موريطورينك هرب مني لوجع ههههههههههههههه ، المهم بعاو يرجعوني لكن راجلي قال ليها كان فيها لوجع منديهاش ،المهم سيفطوه لدار ونا داوني غرفه ديالي ، من بعد 15 دقيقه و بداني لوجع ديال الصح ، قلبوتني لقاو 4 سونتيم ، دارو ليا موريطورينك بدا كيعطي سينال فووووووور و كيصوني حيت فات الماكسيموم ،
عايطو راجلي باش يجي يحضر الولاده ديالي ، إيوا عاد هاديك المولده عتادرات ليا ، و قالت سمحي ليا مضنيتش أنا فعلا فيك لوجع ديال الولاده +حيت نتي من حالات الناذره الي مكيفتحش ليها الرحم بشكل طبيعي لهادا ستمر معاك لوجع أيام+ حتل دابا مزال الرحم مفتحش و نتي فيك طلق متابع كل 3 دقيق
إيوا تصلو بالبروف ديالهم جآ قلهم دابا بيريدورال إبره الظهر ، دروها ليا رتاحيت شويه جا راجلي كنت كنضحك ، و كنتبادلو كلمات الحب الله الله ههههههههههههه ، إيو وصل الرحم 7 سونتيم و تبلوكآآا و فاتني مفعول إبره زادوني جرعه ولكن هيهات هيهات مبقات قضات فيا ، + لوجع كان فوق القدره و بقيت ساعات و ساعات ونا كنزحم لكن الرحم مبعاش يوصل 10 سونتيم ، بديت كنفقد القدره ديالي و بنتي مبقاتش كتحرك، درو ليا أوكسيجين، و صلات 6 تبدلات المولده و جات وحده ثانيه دارت جميع المحاولات باش نولد لكن بدون فيده ، ملي وصلت قمت الالم وليت كنغوت كنقول ليها فتحي ليا كنموت قالت ليا منقدش بنتك تبلوكات في الحوض ، ضروري تصبري لكن الصراحه كنت سةفانه و فعلا كنموت لدرجت كنحس أني كنغيب و كنعاد نفيق باش ندفع بنتي بره لكن والو ، وصلت واحد اللحظه نزلت من ناموسيه كنمسي حبو على أرض و كنبكي كنقلول راجلي ديني داري نموت بغيت نموت في داري حرام عليكم ، خليوني نموت ، مبغتوش تفتحو ليا إدن خلوني نموت،حيحت عليهم مزيان حتى تجمعو عليا جميع أطباء
مممممممم بنتي كتبكي نكمل لكم من بعد ههههههههههههه
يتبع ................................

على سلامتك ازين توحشناك غبرتي الله يحسن عوانك كلشي دابا يدوز وراجلك الله يخليهلك ويخليلك لالى سلمى