مدام معاها حساسية ضروري تنتبهين لها من انها تشم مهيجات مثل البخور والعطور ومواد التنظيف والغبار حتى صابون الملابس والملطفات والافضل تغسلي ملابسها ومفرش السرير والبطانية بصابون الوزير ممتاز ينظف ويطري الملابس ويعطيهم ريحة
اما بالنسبة للعلاج شربيها يانسون داافي مع سكر نبات
واخذي زيت السمسم وسخنيه ودهني فيه ظهرها خصوصا العمود الفقري والاكتاف والصدر والرقبة والبطن والاقدام ولااازم يكون دافي ولبسيها شي ثقيل عشان تعرق واذا مافي سمسم عادي زيت زيتون
في تمرين علمتني اياه ام زوجي الله يحفظها واهو انك تضربين على ضهرها بثلاث اصابع تحت العضمتين يعني خلف الرئتين ضربات بسيطة يعني اربع على اليمين واربع على اليسار ومن الامام بعد
انا بنتي معاها حساسية انف بسبب ملطف الملابس اذا شمت شي يهيج الحساسية واشتدت حالتها استخدم لها علاج للحساية نقط و بخاخ انف ومذيب بلغم اذا معاها بلغم
وماعليها شرر