ياقلبي انتي لازم تنظمين نفسك
اول ماتصحي من النوم اذا بنتك صحيت رضعيها غيريلها وحطيها بسريرها اوعلى فرشتها بالارض اهم شي ماتكون على مكان مترتفع عشان لاسمح الله تطيح
ثاني شي امسكي غرفه غرفه لمعي الطربيزات وكنسي وارجعي قفليها وامسكي الثانيه مثل كذا لاتضغطي على نفسك بالترتيب يعني خلي يوم لتمسيح الطربيزات والكنيس ويوم خليه مسح الارض اذا سراميك
ثالث شي اذا عندك غسيل افرزيه بس حطي الملون مع بعض والابيض مع بعض
بعدين افطري وملي بطنك وشوفي بنتك
وطبعا لو عندك غدا طلعي مقادير طبختك واطبخي وخلصي
وبكذا يكون باقي ترتبي نفسك البسي وزيني نفسك
لاجا زوجك تغدوا وخلصوا ونومي البنت وارجعي لغسيلك حطي الغسيل واذا خلص انشريه وخليه لبكره او بعده واكويه
يصير عندك وقت تسوي العشا
وبكذ يكون يومك منظم ومرتب صدقيني
بس اهم شي عدلي نومك اذ نومك ملخبط وعودي بنوتتك تنام معك وتصحى معك
يعني خلي اقصى وقت تصحي فيه 10 او 9 الصباح
ووقت النوم لاتسهري خلي نومك 2 اذا مره يعني
ياقلبي ولاتهملي بيتك وزوجك وبنوتتك عشان زوجك لايمل
ولاتطلبي منه تنقلي بيت اصغر خليك ببيتك بس رتبيه
وصدقيني الشغله مو متعبه واذا على الغبار الغرف اللي ماتدخلوها قفلي الشبابيك
واسفه ع الاطاله وان شاء لله جدولي ينفعك
ادعيلي بالذريه الصالحه