[الرويناء]

بس ياجماعه انا حابه الفت انتباهكم لحاجه في نفس الموضوع وهي ان ممكن تكون الزوج والزوجه موجب بس فصيله الدم مختلفه
زي حالتي انا o+وزوجي B+
الاطفال لازم يكون زي الاب وفي الحاله ديه بيصابوا بالصفرا نتيجه تكسير كرات الدم الحمرا في دمهم اللي جسمي بيكون اجسام مضاده لان فصلتي لا تأخذ دم من فصيلته
المهم ان ديه بتكون اخطر من الصفرا العاديه اللي بتيجي للاطفال بعد الولاده
وخطرها بيزيد بعد كل حمل لان الاجسام المضاده بتزيد كل مره ولا توجد ابره او علاج للموضوع ده غير الانتباه والحرص وتحليل الصفرا اكتر من مره بعد الولاده ومرقبتها قبل ان ترتفع بشكل كبير
انا اول اطفالي دخل الحضانه يومين علاج ضوئي والحمد لله استجاب وانخفضت بسرعه
اما ابنتي فظهرت الصفرا بعد سته ساعات من الولاده وفضلت في الحضانه عشره ايام لم ينفع معها العلاج الضوئي وتم نقل دم لها وظلت فتره حتي ان الاطباء اعطونا مهله اذا لم يحدث تحسن سيتم تغير دمها ولكن الحمد لله استجابت وانخفضت الصفرا في اخر لحظه
معلش طولت عليكم وربنا يسلم اطفالكم جميعاً