[Kayan "Me]

الحمد لله علي كل حال انا اليوم عملت تحليل كلير بلو ودورتي ميعادها يوم الجمعه ان شاء الله يعني انا عملته قبل الدوره بيومين وطلع سالب للاسف واسبوعين وهسافر واسيب زوجي مش اقل من 5 شهور يكمن اكتر والشهر ده كنت متفائله كتير بالحمل بس الحمد لله علي كل حال انا مش مضايقه عشان اني مش حامل زي ما انا مضايقه عشان زوجي كان متفائل اوي الشهر ده وخاصه انه كل شهر ياعمري بيقول هيعمل تحاليل وفي الاخر بيخاف يعملها وانا بقوله مش تعملها والشهر ده انا كان تبويضي كويس الحمد لله واخدنا بالاسباب ودعينا والدكتور قاله لو الدوره جت روح اعمل تحليل يمكن تكون انت الخربان الله يسامحه وكان جاي من عند الدكتور الدموع في عينه ومرعوب وانا مش بأيدي حاجه اعملها له هو مش يعرف اني عملت التحليل وانا مش عارفه اقول له ولا مش اقول له انا عارفه انه اكيد ده الخير وان وقت ما ربنا يريد هيكون بس انصحوني اعمل ايه مع زوجي هو اصلا نفسيته مدمره بسبب موضوع سفري مش عايزه ازيد عليه بموضوع التحليل