السلام عليكم ومأجورين طبق اليوم صالونة دجاج طبعا المقادير على حسب عدد الأفراد يعني بالنسبة لي على مقادير طبخي يوم الجمعه لبيت عمي المقادير: 3 دجاجات مقطعه 5 طماطم متوسطة مقطعه مكعبات 3 جزر مقطع بصل مفروم 3 بطاطس مقطع باميا 2 باذنجان مقطع تابل مفروم معجون ثوم (ثوم+فلفل حار+فلفل بارد+زنجبيل) 1 ونصف معجون طماطم بهارات مشكله الطريقه: نقلي الباذنجان في الزيت ونشيله على جنب نحمص البصل لحد تغيير لون البصل الي الذهبي الغامق نضيف للبصل البطاطس والجزر نصف الدجاج على المقادير السابقه نضيف الملح والبهارات المشكله (كركم+كمون مطحون+فلفل اسود+دقوس+تتبيله+كاري+بهارات هندية) بالإضافة الي معجون الثوم والتابل المفروم نخلط المقادير مع بعض نضيف الطماطم المقطع ومعجون الطماطم مع التقليب ثم نضيف الماء ونسكر عليها ونخليها لمدة ساعة الي ساعة وربع على نار متوسه وقبل لا نطفي النار عنها بربع ساعه نضيف الباميا وآخر شي نضيف الباذنجان طبعا انواع الخضرة تعتمد على الرغبة فأي نوع خضرة ثانيه تحبون نضيفونها على كيفكم مثلا (كوسة + بوبر + قرع)