ياهلا فيكم حبيباتي حبيت أشارك بطريقة هذا البسكوت لانه صراحة روعة روعة ومن يوم اول مرة عملته فيها وانا دايما اخليه عندي وبيكون روعة مع الشاي بالحليب في الصباح المقادير : 1_3بيضات 2_فانيليا 3_كوب سكر 4_كوب زيت نباتي 5_نص كوب حليب سائل ( ويمكن الإستغناء عنه ) 6_ كوبين ونصف دقيق أبيض 7_باكينج باودر 8 معلقة كبير يانسون ومعلقة كبيرة شمر ومعلقة صغيرة سمسم الطريقة : اول شئ بتجيبي اليانسون والشمر والسمسم وتحطيهم على النار بس تشويحة خفيفة جدا بعدين سيبيهم لين ما يبردوا بعدين اطحنيهم بس مش طحن قوي ثاني شي بتجيبي الدقيق والباكينج باودر وتخلطيهم وتسيبهم في وعاء العجن ثالث شي بنضرب البيض مع الفانيليا في المضرب الكهربائي بعدين بتضعي عليهم كوب السكر وتضربي يمكن 10 دقائق لين ما يصبح القوام قوام كريمي وبعدين بتضعي كوب الزيت والحليب وتضربي يمكن دقيقتين كمان بعدين تحطي عليهم الشمر واليانسون والسمسم وتتضربي ضربة خفيفة بعدين حطي هذا الخليط على خليط الدقيق والباكينج باودر وقلبيهم كويس جدا جدا بمعلقة خشبية بعدين جهزي الصينية اللي هنسوي فيها الكيك وادهنيها بس ياريت تكون الصينية تيفال بعدين حطي الخليط وللعلم بيكون خليط كيك اليانسون سميك جدا عن الكيك العادي وهذا هو شكلها قبل ما ادخلها الفرن بعدين دخليها الفرن على درجة حرارة متوسطة يمكن نص ساعة بس انتي تابعيها ولمن تخرجيها من الفرن سيبيها تبرد بعدين قطعيها قطع صغيرة عشان تعرفي تنشفيها وتصير بسكوت حلو شوفوا أنا كيف بقطعها بس بعدين رتبيها في صينية تانية بس انتبهي لازم القطع ما تتلاصق ببعضها يعني ممكن تقسميها على ثلاث او اربع صواني شوفوا زي كدة بس ودخليها الفرن مرة تانية عشان البسكوت ينشف بس على درجة حرارة هادية وسيبيه شوية وكل شوية اكشفي عليه الفرن عشان تقلبي البسكويت الجهة التانية لينشف من الجهتين ولا تقلقي اللي ما هينشف في الفرن او ما تطلعيه من الفرن افرديه وهو هينشف مع نفسه شوفوا كيف صار شكله في الأخير الصور خاصة بي
اللهم يا مجرى السحاب منزل الكتاب هازم الاحزاب ارفع عنا سخطك ارفع عنا البلاء يارب ليس لنا ناصر غيرك تكالب علينا السفهاء ولا منجى منهم الا بحولك وقوتك