[ساندمون]

عليكم

اخباركم بنات ..

بنات شفت هالموضوع وعجبني .. وحبيت انقله لكم ..
واتمني تأكدون لي علي صحته .. هل كل كلامها صحيح او لا ..

لاني بكريه ولا ادري ..

...

ملف كامل لطرق العنايه بالجسم والمنطقه الحساسه في فتررة النفاس ملف كامل لطرق العنايه بالجسم والمنطقه الحساسه في فتررة النفاس ملف كامل لطرق العنايه بالجسم والمنطقه الحساسه في فتررة النفاس

العناية بالمنطقة الحساسة وقت النفاس
بالاسبوع الاول

قبل لا تولدين بيوم وصي امك او اختك او انتي جهزي بشنطة المستشفى
منقوع المره مهم جدا جدا
وهذي شكلها المره




وكل ماكانت افتح تكون احسن .. طبعا تغسلينها زين مازين وتحطينها على فوطة وتخلينها تنشف براحتها وغطيها عشان مايطيح عليها وسخ

انتي راح تسوين 3 علب

اولا العلبة الأولى

تآخذين مره كم حبة وتحطينها بالعلبة وتصبين فوقها ماء دافي وتحطين معاها 3 ملاعق صغار ملح فارسي خشن مطحون وليس ملح الطبخ,, تلقونه عن العطارين
وتخلينها 3 ايام وترجينها كل شوي
طبعا هذي بعد ماتولدين بيوم تغسلين فيها من تحت زي الوضوء

وفائدتها انها تطهر الجرح، وتطيح الخيوط بسرعه ، وتضوق المنطقة الحساسة وتشيل السواد الناتج من الحمل.. طبعا هذي الحركة تسوينها فقط لمده اسبوع عند كل دخول لك للحمام


ثاني علبه

نفس الشي تماما بس بدون إضافة اي ملح .. ووقت ما تغيرين الفوطة الصحية وانتو بكرامة حطي بغطاء الزجاجة شوي من المره على الفوطة ..والله انها تبرد على الجرح بشكل ماتتصورنه ..طبعا هالحركة تسوونها بعد لمده اسبوع

ثالث علبه

تغسلين المره كويس وتخلينها تنشف براحتها وتطحنينها بالطحانه لين تصيح ناعمه وتطحنين معاها لبان الذكر
وهذي صورته



وانصحكم تشترونه من محلات العود والعسل الاصلي .. لانه بيكون غالي واصلي
وبعد ماتطحنونهم حطوهم بعلبة زجاج وخلوها بالثلاجة واشربي منها ملعقة كبيرة واشربي وراها ع طول مويه وملعقة عسل عشان الطعم مر شوي
وجيبي منديل نظيف وحطي شوي منها وشميها بقوة استنشقيها
عشان لايجيك شمم من العطورات ويعورك الجرح ، خاصة اللي والده قيصري تشرب منها مرتين باليوم
وفوائدها كمان
وفوائد لبان الذكر مطهر للفم ومحسن النفس ويقوي الذاكرة ويطرد الغازات من البطن ويشد الجسم من بعد الولادة ويقوي الدم على ماسمعت ..

الصباح اول ماتصحين

تغتسلين عادي وتنظفين تمام وتعبين البانيو مويه مائلة للحرارة وتحطين فيها غطاء كامل مطهر صافلون من ماركة جونسون مالقيت صورته للأسف واللي ماعندها مطهر صافلون
تحط مطهر البيتادين نص الغطاء
وهذا شكله بس مكتوب عليه مطهر وريحته زي الديتول الشخصي ولونه زي الفيمتو




واللي مو متوفر عندها لا صافلون ولا بيتادين تستخدم ديتول شخصي يجي بعلبة صغيرة ولونه اخضر وريحته مره حلوة تحطين بس غطاء
وهذا شكله


وتقعدين فيه واسترخي ، راح تحسين براحه والشد اللي من الخيوط راح تحسين انها لانت
وهذي الدكتورة نصحتني فيها
وقالت هذا يطهر الجرح ويخليه يلتئم بسرعة ويطيب ويخفف الاحساس بالالم
وانا كنت اسويه مره باليوم وفعلا مره ارتحت كثير
بس تقعدين لمده ربع ساعه لا اكثر عشان لا يتشبع رحمك بالماي



بعد ما تطلعين من المويه نشفي المنطقة كويس مره ولاتخلين اي رطوبه
وجيبي كريم فوسيدين
وهذ شكله


وحطي هالكريم على الجرح والبسي الفوطة الصحية وافضل ماركة فام او كوتكس لانها قطنية ما تسبب حساسية بعكس الويز سببت لي حساسية وحكة فظيعه

والبسي اثنين اندوير وافضل تكون قطنية اللي يجون 6 حبات مع بعض انا شريتهم من بي اتش اس
والبسي فوقهم شورت شترتش من نعومي مره فظيع يلم البطن ومايطلع صوت الفوطة الصحية لمى تمشين
خذت اللون اسود


باقي الوقت كل ما ادخل الحمام اتوضى بمنقوع المره والملح
ومره لا احط شوي على الفوطة الصحية
واهتم مره بالنظافة من تحت بس اغسل بمويه دافية وانتبهي تحطين صابون ولا غسول طبي عشان لا يلتهب عليك الجرح

وقبل النوم

عبي البانيو مويه مائلة للحرارة تتحملينها وحطي فيها أملاح الصوديوم تنباع بالصيدلية حطي ملعقة وحده منها واجلسي فيه تطهر المنطقه وتعقمها
وكذا يجي شكله وسعره معقول



وبعدها تنشفي وحطي فوسيدين والبسي فوطة صحية
وروحي نامي احلى نومة

وحبيت انوه


انو اللي والده طبيعي لا تقعد كثير عشان لا تعورك جراحتك ويصير عندك نزول بالرحم
اشتري مخده الرضاعه بس لا تحطين البيبي عليها وترضعينه لا اقعدي عليها خلي الجراحة بالنص راح تحسين براحه فظيعه مره


العناية بالمنطقة الحساسة في الاسبوع الثاني والثالث


طبعا بهالفترة تكون الخيوط طاحت والتئم الجرح، بس انا خيوطي وصلت 12 يوم ولاطاح شي وكنت اتألم وقت الرضاعة لمى ارضع بنتي ولمى اجلس ع السرير ولا أنام
فا رحت الدكتورة وشالتهم لي وعطتني
آيدين على شكل اعواد أذن مدري تعرفونه ولا لاء وقالت لي احطه على الجرح عشان اعقمه ولايجيني التهاب لمده يومين


وكنت كل ما دخلت الحمام اتوضى بالمره والملح بدون ما احط على الفوطة شي
واحط شوي فيوسيدين على الجرح
واحس براحة فظيعه واقدر اتحرك بسرعة


ولمى صارلي 14 يوم
وانا اتروش حطيت ع المنطقة الحساسة شامبو جونسون الاطفال
وشلت بالموس
لان النظافة شي اساسي والشعر يكون بكتيريا والتهابات والدكتورة قالت لي اياكي والحلاوة
ترهل المنطقة وتخرب الخياطة كلها وتعمل لك تسلخات بالجلد
وبعد ما اشيل بالموس احط
فازلين الاطفال وهذ شكله






عشان لايطلع لي حبوب..

بداية الاسبوع الثالث

جدتي الله يطول بعمرها عطتني تحاميل الملح وهي تسويها بنفسها وكنت متخوفة منها ماكنت ابي احط شي داخل
لكن قالت لي انتي حرة بتكونين متوسعه ولاراح تنظفين بسرعه واذا جاك زوجك بتنزل منك مويات وبيطلع صوت
قلت طيب بستعملها بس قبل وديتها للدكتورة تشوفها قالت عادي حبيبتي هذي تحاميل ملح مامنها ضرر بالعكس كويسه

طبعا التحاميل عددها 10
اكبر وحده كبر غطاء موية الصحة خخخ
وتصير اصغر واصغر
لين اصغر وحده كبر الزيتونه

طريقة استخدامها بعد ما انوم بنتي انام على ظهري واحط شوي زيت زيتون على التحميلة عشان تدخل بسرعة
وارفع رجلي زي فحص كم سانتي وقت الولادة
وادخلها والله واقسم بالله العظيم ان التحميلة الكبيرة تضيع من الوسع
ونامي وشوفي الفوطة بلاوي تطلع منك
واقسم لكم ان بقت لي تحميلتين انهم مارضو يدخلون حاولت وحاولت ماقدرت
رجعت وكاني لسه ماحملت ولاولدت
حتى اني طهرت في 32يوم وصرت اصلي
وكان اول يطلع من رحمي صوت لا جلست وقمت ولاعاد سمعت هالصوت نهائي
الحمدلله رب العالمين

طريقتها التحميلة

تشترين ملح فارسي تغسلينه و وتدقينه لين يصير ناااعم مره
وتبلين شوي مويه وتسوين كور زي التحميلة كبار وسط صغير اصغر
وانتي لابسه قفاز
وتحطينه بصينية نظيفة ومعقمة وتدخلينه الفرن لين ينشف وتصير يابسه
ثم تجيبين منقوع المره وتغطسينه فيها بسرعه وترجعينه وتخلينه ينشف
وتحطينهم بكيس وتربطينه

والله يابنات ان طريقتها سهله وترجعك بنت بنوووووت
لمدة 10 ايام فقط
وهذا شكل الملح الفارسي
شكله خشن
وانتبهي يعطيك العطار بدال الملح شبه بعض العطارين غشاشيين
ذوقيه بطرف لسانك

العناية بالجسم في الاسبوع الثاني والثالث

طبعا اكون رجعت لصحتي واقدر امارس حياتي طبيعي

كنت قبل لا انام ادهن جسمي بــ

( ليمونتين صغار+ نص كوب جلسرين سائل + نص كوب زيت اللوز المر+ ربع كوب زيت جنين القمح+نص كوب زيت الزيتون)

ادهن جسمي كله إلا صدري عشان يمكن بنتي تصحى تبي ترضع
والبس اي قميص نوم اكمامه طويله
وانام

طبعا اول ما اقوم من النوم الصباح افطر وبعدها اجهز (سكر وملح+زيت زيتون)
واشغل الدش الحار وارش جسمي وابدأ افرك كويس مررره
خاصة الرقبة والبطن يكون لونهم اسمر بعد الولادة

وبعد ما اطلع استخدم لوشن زبدة الكاكاو من ماركة فازلين
وهذا شكله




والله يوميا اسوي هالحركة يوم وترك لين احلف لكم خف السمار بنسبة 70بالمية من جميع جسمي، وحتى الخطوط خفت مررره انا طلعت لي خطوط في صدري وباطن فخوذي

عنايتي بشعري في الاسبوع الثاني والثالث

طبعا مع الرضاعة راح يطيح شعرك بالهبل وقريب تصيرين صلعة
وكنت كل يومين ادهن شعري
( زيت بارشوت +زيت الخروع+ ام ك ماينونيز + 2 م ك خل)




عطى شعري لمعان وحيويه وخفف التقسف مررره
وكنت استخدم شامبو
ضد التساقط هذا بس قل التساقط بنسبة 20%





وتركته
وجربت شامبو الخيول للتساقط مررره فظييييع وهذا شكله ترى سعره بالبحرين ارخص



....


وهذا شكل الآله بس طبعا اللي ماتعرف لها لاتستخدمها انا صارلي سنه ونص استخدمها


بعد ما اشيل احط زيت اللوز من ماركة جونسون يجي بخاااخ مره يخلي البشرة ناعمه ومايطلع حبوب وريحته حلوة
هذا زيه بس مو بخاخ

وانصحكم بتمارين كيجل يوميا تسوينها وانتي قاعدة وانتي تاكلين لانها تقوي عضلات المهبل وتزيل التوسع والترهل الناتج من الولادة
وهي طريقتها كانك تحبسين البول وانتي بكرامة وتعدين لين ال10 ثم تهدين وهكذا سويها قد ماتقدرين يوميا