السلام عليكم البنات اش خباركم وكيف بقيتو كلشي لاباس توحشتكم البنات وتوحشت نهدر معاكم ونتجمعو كيف من قبل الصراحة وليت تاندخل للتجمع تايجيني خاوي وتنقنط كلكم خليتو بلاصتكم انا الصباح كنت داخلة من التلفون ومن خرجت منو قلت غادي ندخل من الحاسوب ونا نعاود نمشي ضربتها بنعسة حتى جا راجلي من الخدمة عاد فيقني يا صحباتي تانموت بالسخفة وراسي تايدور قتلاتني الدوخة الله يسمح لينا من حق الوالدين وصافي ايوا غير جا نضت غير وجدت راسي ومشينا للسبيطار اليوم كان عندي موعد على اساس غادي ندير ايكوغرافي ولكن شفت غير الساج فام وشافتلي التحاليل وكلشي وسمعاتني نبض بنتي الحمد لله ولكن لقات باني عندي نقص فالحديد نااقصة بزاف وقاتلي بانه مابقاش عندي الوقت باش عاد ناخد علاج عطاتني نشري واحد الابر ونعيط لشي ممرضة للدار باش تبقا تضرب ليا هاد البرات 2 مرات فالاسبوع حتى ترتفع نسبة الهيموجلوبين عندي وان شاء الله مع هاد ا لعلاج قالتلي دغيا غادي يزيد فيا الدم
ختي سهام ما يكون عندك باس وان شاء الله خير غير صبري ما بقا قد اللي فات ديري بحالي اللي وجعاتك قولي عادي وطلبي من الله يكون خير وفوضي امرك لله واستودعي جنينك للذي وهبك اياه
ختي نوال انا لاباس الحمد لله احبيبة والبنوتة هاهيا كاتلعب شوية دالكراطي فالكريشة ماشاء الله عليها ونتي كيبقيتي وكيف بقات الكريشة والبنوتات بخير ؟
البنات عااااااااااااااااافكم دخلو راني توحشت نهضر معاكم نتمنى تكونو بخير