شما اكبر وعمري أتمر سنينة
اظل مشتاك ياامي الحنينة
الج منذور يمة ومااوافيج
وينة المثل صبرج صبر وينة
منهو الي على اطفال انحنى الليل
يلولي بكل حنان وتدر عينة
بس انتي العزيزة الساكنة الروح
مانوفيج لو كلنة وحجينة
لو غير الله يمة انوجد معبود
جا لاجلج سجدنة وانحنينة
تفرح لو فرحنة وتعلك شموع
ومن ننجح تطك هلهولة زينة
ولو نمرض تظل سهرانة بدموع
محنية الظهر قلقة علينة
ولو نزعل بسيطة تكول وتهون
وبداخلها مكسورة وحزينة
اعذريني يايمة الشعر خجلان
والكلمات كالتلي اعفينة
كالو اوصف امك كلت هيهات
ببحور الشعر امي سفينة
مع تحياتي