حبيبتي احسن شيء تروحي لأهلك وتعلمينهم باللي حصل معك وعاد هما يتصرفون ويوقفونه عند حده اللي مثل زوجك يبي له رجال يتفاهم معه وبعدين لو انه يبيك صدقيني ماراح يطلقك بس يبي له تأديب وقرصة اذن اعرف حريم كذا وراحوا لأهلهم وجلسوا فتره عندهم واهلهم ماقصروا وتفهموا وضعهم وقفوا معهم وادبوا ازواجهم وشوفيهم ذحين رجعوا لأزواجهم ومرتاحين وازواجهم انعدلوا
وانتي صراحه غلطتي من البدايه انك سكتي على الضرب وزوجك واثق من انه مهما راح يصير ماراح تقولي لأهلك عشان كذا تمادى
بس ذحين هدي حالك عشان تضمنين روحتك لأهلك ولا تلومي نفسك انتي سويتي اللي عليك تغاضيتي عنه- دعستي على كرامتك وتحملتي- خانك - جبرتي نفسك ورحتي لكوفيره وغيرت شكلك عشان يرجع لك ولا عبرك يعني ماقصرتي وبذلت الاسباب
وصدقيني مشكلتك ماراح تنحل الا واحد يتدخل ودام اهلك متفهمين وبحبوك ليش الخوف
والله يكتب لك اللي فيه الخير ويفرج همك