السلام عليكم ورحمة الله وبركاته ..
بنات كنت بسألكم .. النمل أهلكني وأتعبني .. يظل يطلع وأرش عليه مبيد حشري ..
وما في فايدة .. والمشكلة يطلع ويدور في البيت .. وأنا أتقزز من النمل ..
المشكلة .. أنا بالشهر السابع الحين بحمد الله بآخره يعني ..
ولمن أرش المبيد الحشري أحط ع وجهي شي .. بس أجلكم الله النمل في الحمام ..
والحمام يستعمل واجد كل ما أبي أقضي حاجتي أو شي لازم أدخل الحمام وأشم أثر ريحة المبيد بس بسرعة أحط شي ع أنفي عشان ما أشمه ..
هل يؤثر المبيد ع الجنين أنا قرأت أنه يخفض من مستوى الذكاء لدى الاطفال مع الوقت إذا تعرض له وهو جنين لان الفوسفات اللي فيه يهاجم الجهاز العصبي ..
وأبي أسألكم عن الكلووور أنا استخدمه مع الجلي وأحله بموية يعني أخففه ومع هاذ أتوسوس من الريحة وأخاف يصير شي ..
طمنوني بنات من عندها معلومات أو سالت طبيبة .. أو شي ؟!
تكفووووون ..