السلام عليكم ورحمة الله وبركاته
انا عضوة جديدة معاكوا وانا ببحث في النت لاقيت المنتدي وعجبني موضوعاته وكان عندي سؤال
انا مصرية وحاليا انا في الرياض في زيارة لزوجي وصلت السعودية في اول يوم من ايام التبويض وحصل علاقة بشكل يومي طول أيام التبويض وبقالي دلوقتي 19 يوم وباقي علي معاد الدورة يومين المفروض تجيلي يوم 7 مايو بقالي اسبوعين بحس بألم الدورة في نهاية بطني وانا مش متعودة علي كدة ديما كان بيجيلي قبل الدورة بيوم او يومين وساعات مكنتش بحس بيه خالص وعندي غازات وثقل في بطني مش طبيعي ويوم امساك ويومين ثلاثة اسهال وبقيت مش طايقة روائح البرفان بتاعت زوجي مع اني كنت بحبها جدا بقيت بحس اني بدايق منها ومش قادرة اتنفس واليومين دول حاسة بهبوط وهمدان كدة
يا تري دي أعراض حمل يا ريت إللي جاله عرض من دول وبقي حامل يطمني مع العلم إن ده اول حمل ليا انا عروسة بقالي 6 شهور فقط